۲۰ - چهرگانلی هر گون بير هاوا چالير
چهرگانلی نييه آلدانير- آزير؟
645
چهرگانلی دئيير آی "مردوم آزار"
ايستيقلال ايسته مه کی، روسييا قيزار
ائرمنيستان دا سرحدلری پوزار
قارداش تورکيه کوکوموزو قازار
ايستيقلالی گوندرين آرزو گيله
فئدئراليزمی يئديرين خسته ائله.
646
چهرگانلی هر گون بير هاوا چالير
گاه آيريلير، گاه دا ايراندا قالير
ايرانچیلارين ... قاداسینی آلير
چهرگانلی خالقی اويونجاق سانير
دون وئرديگی سوزلری بو گون دانير
647
چهرگانلیجا ايران "گولوستان"دی
او گوللردن بيری آذربايجاندی
اونون بو سوزوندن هامی اوتاندی
آذربايجانی فارسيستان ائديب چول
چولده حئيوان ياشار، گولوستاندا گول
648 (يازقی يازانا الله دئيرلر.)
چهرگانلی دئيير حاقلار "ار"يندی
وئريلمز حاققين آلماغی چتيندی
آلله کريمدی "قويوسو دريندی"
آلله ايستمه يير ايران بولونه
(يوخسا ميللی باجلار آخماز گولونه).
649
چهرگانلی دئيير آللاها قول اول
ايستيقلال حاققی وئرمسه يان کول اول
ساتيًب- خرجله مه سی اوچون آغ پول اول
آللاها ايمتيياز وئرن ميللته
قوللوق ائتمسن گوندرمز "جننت"ه
650
سيلاحلانماق اوچون دستک لازيمدیر
دستکچیدن يانا ايستک لازيمدیر
ايستکسيز دستکه "ائششک" لازيمدیر
يانداشين ايسته يی فئدئراليزم اولسا
باشقا دستکچی بول دوغما اولوسا.
651
چهرگانلی سانير تورک قئيرتسيزدیر
تاريخينی اونودوب، عيبرتسيزدیر
بوتوو آذربايجانا حسرتسيزدیر.
ايسته گی اوز بولودوندان ياغمايير
قئيرتيندن حسرتيندن دوغمايير.
652 (کنکن ~ قويوچو)
چهرگانلی ميللی بيليکدن قورخور
يولو هم ايریدی، هم چالا- چوخور
ايستيقلالين باشينی يئره سوخور
چهرگانلی اويادمايير اويودور
کنکن ين يئری قازديغی قويودور
653
رشيد دوستوما سوسلو شال لازيمدی
چهرگانلييا کوهنه مال لازيمدی
آذربايجانا ايستيقلال لازيمدی
دونيا فئدئراليزمين کوکونو قازير
چهرگانلی نييه آلدانير- آزير؟
654
چهرگانلی بی اوزون ايله دوز اول
آز اوز- اوز دهً، اوزونه گل کی، اوز اول
ميللی دوشمنلرين تک آچيق گوز اول
يوردونا ماليک اولوب فارس ميللتی
(فئدئراليزم قورتارماز مولکييتی)
باغيمسيزليق قورتارار مولکييتی
655
اولکه قورتولسا صنايی قورتولار
فارسا باج وئرديگی پايی قورتولار
ديلی کولتورو هارايی قورتولار
بالتالانميش اورتا چايی قورتولار.
تورکون آغ اولدوزو آيی قورتولار
اوتالی بوتایلی وطن قورتولار.
15.10.2004 بالتاجی آراز
**********************
چهرگانلی نيفاق توخومو اکير.
656
چهرگانلی اوزونو ميللت سانير!
آتيلميش آدديملارا عيللت سانير!
قوردوغو تشکيلاتی دوولت سانير!
ميللتی يوخا بنزر بير ذات سانير!
بو سببدندير کی، بايراق قاييرير
اوزنو اوز ميللتيندن آييرير.
657
چهرگانلی آغلار حاللارا گولور
بولوجو بايراق ايله خالقی بولور
گاموح سايتینا گيرن بيرليک اولور
اينانماسان پسيکولوقلاردان سور
يوخسا جاهيل چهرگانلی تکين يور
658
چهرگانلی هر اون ثانيه ده بير
قوندارما بايراغينی رئکلام ائدير
دورمادان نيفاقين دآدينا يئتير
هم ده ائلچی بيی آنماغا گئدير!
چهرگانلی نيفاق توخومو اکير
وئرديگی سوزدن عملده ال چکير
بللی "دئييل" کيمين باشينی چه کير.
*- "گاموح" سايتی نيًن گئتديگی يولو، قارا آی اولدوزلو اوچ رنکلی بايراغی قالديران "تبريز سسی" آدلی سيته ده گئدير کی، ماوی آی- اولدوزلو، قيرميزی آی- اولدوزلو، ياشيل آی- اولدوزلو، ساری آی- اولدوزلو اوچ رنکلی بايراقلارين اورتايا چيخمالاری ايله ميللی حرکتی پارامپارچا ائتمه- لرينه حاق قازانديرميش اولسون. ...
گوره سن بو قارا آی- اولدوزلو دا هاردان سو ايچير؟ (10.11.2010)
659""*-ديققت! ديققت!
چهرگانلی باشقا بير بايراق يونور
ميللی شوعور يئرينه بايراق سونور*
بوتوولشديرن قاينار قانلار دونور
هانسی تاجير دئير يوغوردوم توشدور؟
ياخود سوندوغوموز ليدر ناخوشدور؟
660 (يازقيسينی اوزو يازمايان قولدور.)
چهرگانلی دوشمنلری دوست سانير
تایلاين عئينی اولدوغونو دانير
بولوجو بايراغا اوره گی يانيًر
چارين چکديرديگی قوندارما دووار
دئير: "هر تایين باشقا بايراغی وار"*
*- بيرلميش يمن، وييتنام، آلمانيا تکين آذربايجان دا چاراوغلو چارلارين اويونونا گلمه يه جکدير. ايراندان آيريلاجاق آذربايجانين باکی دا دالغلانان ميللی بايراغی ايله دوولتی و اوردوسو واردير. عاريف بی "ساخلا سامانی، گلر زامانی.
661 (قولچاق ~ اويونجاق)
چهرگانلی اولماماليدير قولچاق
BMT باسقيسيندان دوغان بايراق
ايران ايچينده قازانا بيلر حاق. (پان ايرانيستلری تانييين!)
باسقی بايراغی موقددس ساييلماز
تایلاری آييران بايراق ياييلماز.
662
چکيلن آتيلان آغرييان ديشدی
ميکروپ قاپسا گوررسن کی، شيشدی
موقددسليگی گوممک چتين ايشدی
موقددس بايراق اورکده داشينار
گوندارما بايراق يئرلرده ائشينر.
26.09.2006 بالتاجی آراز
***************************
چهرگانلی گيزلتمه گه چاليشير.
663 (عوصاره = اوزه ت ~ چکيردک)
چهرگانلی جاهيل دئييلسه قانير
اوزوندن باشقالارينی يوخ سانير
سيمگه سينی "ميللی عوصاره" تانير (تانييير)
چهرگانلی بوشلوقلاردا دولاشير
664
چهرگانلی آييريبدير يولونو
تمثيل ائدير ميللتين بير قولونو (بولوجو قولونو)
ميللی بايراق اونرير سمبولونو
چهرگانلی هارا گلدی ديرماشير
665
چهرگانلی قوندارما بايراق يونور
اونو دا ميللی بايراق کيمی سونور
تنقيدچی دوستلاريندان اوزو دونور
چهرگانلی قيشقيرتماغا چاليشير
666
چهرگانلی بنزه سه ده "پاشا"يا
پارتی ميللت دئييل بايراق بوشايا
پارتی دوولت دئييل بايراق داشييا
چهرگانلی آنارشيزمه بولاشير.
667
چهرگانلی بيلير آشا نه سالا
ايسته يير کی، سيمگه سی قبول اولا
اوتایداکی بايراغی سالا يولا.
چهرگانلی بی بوشونا اوغراشير
چهرگانلی گيزلتمه يه چاليشير.
668 (حسن بی ارکله ايلگيلی)
چهرگانلی نين قوردوغو تشکيلات،
دئيير: "قئيرتسيز ائرککلری آغلات
!"دئسه لر کی، باشيندان چادرانی آت!"
چهرگانلی نييه بورکسوز دولاشير؟
669
چهرگانلی رمضانين ايلک گونو
دئدی "دييشمه رم ايسلامچی دونو،
"قويمارام کی، گله اسلامين سونو."
چهرگانلی باتاقليغا ياناشير.
670
چهرگانلی دئدی: "من موسلمانام،"
ايسلامی قوروياجاق قهرمانام،
"ايسلامين دوشمنی ايله يامانام."
چهرگانلی ايسلام اوچون ساواشير
671
چهرگانلی نئچه اوزلو اينساندی
دئيه بيلمه يير بايراغيم قورآندی
چونکو سيياسی ايسلام قاداغاندی
چهرگانلی گيزلتمه يه چاليشير
672*- بوينوزلو يالان
چهرگانلی بيلير نيسا سوره سی
قادينی ائديب ائرککين کوله سی.
حاق وئرمه ييب ايبطال اولا آيه سی <
چهرگانلی "ائشيتليک"دن دانيشير*.
673
چهرگانلی نين سوندوغو "ائشيت" حاق
بوينوزلو يالان سويله مکدير آنجاق
اينانماسان نسا سوره سینه باق
چهرگانلی نئچه گونلوک "باريشير"
674
چهرگانلی دئموکرات اولماليدير
سيياستيندن دينی سيلمه ليدير
دينسيز رئژيمی* حاکيم قيلماليدير
چهرگانلی موللا ايله ياريشير.
*- لاييک و سئکولار رئژيم دينسيز اولار
675
چهرگانلی بيلير کی، دين ائو ييخير
ائو ييخان ايسلام دينيندن خالق بيخير
چونکو خالق دا دينين اونونه چيخير
چهرگانلی نين احوالی قاريشير .
676
چهرگانلی "چيخاراجاق" جيريغی
قان "داميزديراجاق" سونکو بويروغو
قاپی آراسيندان کئچسه قويروغو
چهرگانلی عينادينا ساريشير.*
*- ايناد آدام موندار اولار
18.10.2006 بالتاجی آراز
*****************
ايکی بايراقلی ميللت اولا بيلمز.
677
فئدئرالچی "گاموح" بايراق قالديرير
ايستيقلال حاققينی گوزدن سالديرير
دوشمنه خئييرلی حاققی آلديرير
اوتايداکی بايراق ايستيقلالچيدیر
"گاموح" يئديرن بايراق فئدئرالچيدیر
678
اوتای ايستيقلال اوچون دوووشوبدور
دوووشدورن هدفه قوووشوبدور
فئدئراليزمين دونمی سوووشوبدور
گئرييه قايتاران اونجول ساييلماز
ايفشا ائتمه سن "گاموح"چو آييلماز
679
"گاموح" فئدئراليزمه اوز دوندرمه يير
قوندارما بايراغينی ائنديرمه يير
سببلرينی يازيب- گونده رمه يير
"گاموح" فئدئرالچی ائدير کی، دونمه يه
قالديريلديغی بايراغی ائنمه يه*
*- دوشمنه خئييرلی بايراق
680
اونداکی ايستيقلال مئيدانا گيرر
سومورگه چی فئدئرال حاققی وئرر
کی کار باخيميندان ائتمه يه ضرر
سومورگه چی ايسـتيقلالچی اولدورر
فئدئرالچيلارا ... بايراق قالديرار <
هر سيياستين ياريسی گيزليدير،
گيزلری کشف ائدن آچيق گوزلودور.
681
بوتوولشمک حاققيندان وازکئچيلمز
بايراقلی ميللته بايراق بيچيلمز
ائنيله جک بايراغا آند ايچيلمز.
کئچيجی سيمگه لازيمدير بوتايا
ايستيقلالدان سونرا توللانا چايا.
682
سنين بايراغين اوتايدا بيچيليب
مين دوققوز يوز اون سککيزده سئچيليب
ائنديريلمه مه سينه آند ايچيليب
ايکی آنام، آتام يوخدور بيرديلر
ايکی ائليم، اوبام يوخدور بيرديلر.
683
اوتايلی قارداش دئييل کی، اوزومدور
اوره گيم، جانيم، جيگريم، گوزومدور
اونسوز بو دونيا منه نه لازيمدير؟
ايکی بايراقلی ميللت اولا بيلمز
اورتاميزداکی دووار قالا بيلمز.
21.10.2006 بالتاجی آراز
***************
"گاموح" پارتی دئييلدير کی، جبهه دير،
"گاموح" پارتی دئييلدير کی، جبهه دير،
ياراتديغی نيفاق ايله شوبهه دير.
تئورو لازيمدير آنلاتماق اوچون،
تئوروسوز آچيًلا بيلمز دوگون.
684
"گاموح" اوزونو ميللی جبهه سايير
چهرگانلييا دئيير بايراق قايير
بايراق ايله تايلاريميزی آيير
"گاموح" گاه "ايستيقلالچی"، گاه دينچيدير
گاه دا فئدئراليست دير کی، ايرانچيدير
685
"گاموح" اولوشوبدور نئچه طئيفدن
بيرينجيسی ايتحاف اولوب حريفدن
ايرانچی تورکدور کی، گيريب گليفدن (فارس جاسوسو)
چونکو ايستر بوتای ايراندا قالا
ايراده يوخ، ايداره حاققی آلا.
686
"گاموح"ون ايکينجی قولو دينچيدير
چاغ ديشينا قوللوق ائدن اونچودور
ايفشا ائدنی ... گونتايدير، يامچيدير
دينچی طئيف دئموکراسی دوشمانيدير
دوشمن ائدن دينيدير، ايمانيدير
687
"گاموح"ون اوچونجو طئيفی ميلليدیر
ايستيقلالچی اولدوغوندان بلليدیر
ساييسی آزيندان يوزده الليدیر
ميللی طئيف دئموکراسيدان يانادیر
دينچی ايله ساتقينا بيگانه دیر.
688
"گاموح"و قورخودان چاغداش باکيمدیر
دينچی طئيفينه فئدئرالچی حاکيمدیر
اوتايين دوشمنی بلليدير کيمدیر
"گاموح" توتدوغو يولونو گئده جک
ايستيقلالچی "گاموح"و ترک ائده جک.
689
"گاموح" بولونمه ليدير طئيفلره
يوخسا قيسمت اولار ناخلفلره
چاتا بيلمه ريک ميللی هدفلره
فارس تورکه قارشی ... بيلمه ديگی ايشی
"گاموح"ون الیيله گورور "آ کيشی!"
690
فئدئراليزمه سومورگه چی هه دئير
چونکو آز سومورن دواملی يئير
گرکيرسه سولچو پالتاری گئير
ميللی دوشمن بيزی بيزدن آييرار
تايلاری آييران بايراق قاييرار. <
منيم شئيريم فيکيری گليشديرر،
گليميش فيکير دوزه ن دييشديرر.
11.11.2006 بالتاجی آراز
***************
"گاموح" اوتاييميزی دينه ساتير.
691
آتاتورک آوروپا يولونو گئتدی
انسان حاقلارينی دا آزاد ائتدی
حاق و حوقوق دآوآسی "سون"ا يئتدی
ماشين ياپديرمادی ميللت اللشه
کی اوز گوجو ايله صنايئلشه
692
آتاتورک قوودو دينی سيياستدن
قورتاردی دوولتی دينسل فساددان
قورتارمادی گئريچی ايقتيصاددان
ياغيشدان قورتولدو دامجييا دوشدو
مونتاژچی ائتديلر سانجييا دوشدو
693
"گاموح"ون دردی موسلمانلاشماقدیر
دئموکراسی ايله يامانلاشماقدیر
نيسا سوره سیيًله درمانلاشماقدیر..
"گاموح" دئيير اوتای قالماز فيرنگی
آرتسا بايراغينداکی ياشيل رنگی
694 *- ديققت!
"گاموح" ائل- اوباسينی دينه ساتير
ياشيل رنگ اوزوندن بايراقلار آرتير
ميللی دوشمنلرين دآدينا چاتير
دئيير بوتای اوتايدان چوخ تورکلشيب
بو سببدن بايراغی آز گوکلشيب!*
695 *- ديققت!
"گاموح" دئيير داغی آشديقدان سونرا
تورکلشيب موسلمانلاشديقدان سونرا*
قانيميز قايناييب- داشديقدان سونرا
بوتوولشمک حاقدا ميللت دوشونر
(تيکيلن توربادا يونجا داشينار)
696
تورکو نه بيرلشديرر؟ نه آييرار؟
هانسيسی آييران بايراق قاييرار؟
کيمين خئيرينه بولمه يه چاغيرار؟
چالديران ياراميز هله قانييير
بالتاجی آراز دوشمنی تانييير.
697
دين هم خالقيميزی گئريچی ائديب
هم ده چالديراندا ايت تکين ديديب
بو گون ميللتيمی بولمه يه گئديب.
"تاسينا لعنت!" دين چيخاردانين
درده ساليب، سوچلاری چوخالدانين.
698
گئريچی آرخانی گورر اونو يوخ
گئريچی دون دييشديرر يونو يوخ
گئريچی نين گله جه يی سونو يوخ
کاپيتاليزم دينسيز يئرده گليشر
ان سونوندا کوممونيزمه ايريشر.*
*- چونکو اوره تيم گوجلری نين گليشمه سی مولکييت
شکلی نين يئنيلشمه سينی گرکديرر.
17.11.2006 بالتاجی آراز
****************
گاموح نه اکيبدير کی، خالقی بيچه؟
"گاموح" نه وئرميش کی، آلا بيلمه يير؟
(آغلادان گولدورن سوز ائشينديرر،)
(آرازين شئيری بئينی دوشوندورر.)
"گاموح" بيليکلنديرمه يير ميللتی
ندير چاش- باش سالديغی نين عيللتی؟
"گاموح" آدينی "اويانيش" قويوبدور
اويادانين دریسینی سويوبدور.
"گاموح" حاق وئرمه يير يازيب يايانا
اويادمايير کی، خالق اوزو اويانا. (هاهاها)
"گاموح" ميللی شوعور وئرمک يئرينه
"عموم- خالق" آدی وئرير ليدرینه. (هاهاها)
"گاموح" هم خالقینی چاش- باش ساليبدير
هم ده ... بايراق دآوآسینا داليبدير.
"گاموح" نه اکيبدير کی، خالقی بيچه؟
ليدرینی "عموم خالق" ليدر سئچه.
"گاموح" فئدئرال ايله ايستيقلال حاقدا
هئچ بير شئی سونماييًب بيشه اوجاقدا-
"گاموح" فئدئراليزمی تنقيد ائتمه ييب
سانما کی، بيليمسل گوجو يئتمه ييب.
"گاموح" ايسته مير اويادا خالقينی
کی بيلمه يه بير- بيريندن فرقينی.
"گاموح" اويادمايير کی، جاهيل قالا
ايستيقلال يوخ، فئدئرال حاققی آلا.
(هر سيياستين ياريسی گيزليدير)
"گاموح"ون فئدئراليزمی بللی دئييل
شاهچیيا گوره داش- چينقيللی دئييل.
"گاموح" اوچون ايستيقلال سون "آرزی"دير
بو گون ايراندا قالماغا راضیدير
"گاموح"ون هر بير ايشی پلانليدير.
ليدری مين اوزلو چهرگانليدير
"گاموح"ون ليدری گرچگی دانير
اوزونو ميللتين ليدری سانير.*
*- دوغرودور، کئچی نين قوتورو بولاغين گوزه سيدن سو ايچر.
جناب "گاموح"!
چوخ سسلی ميللتيميزين قوردوراجاغی ميللی مجليسيميزين حاقلارينا ال قويمايين! قرار وئرمک چوخ سسلی مجليسيميزين حاققيدير. حاق گومن و اوزباشيناليق روحو آشيلايان آللاهليقلار گومولمه ليديرلر.
ميللی بايراغيميزين سئچيلمه سی حاققينا ماليک اولان ميللی مجليسيميز قورولمادان اونجه يه قدر سيز ده ميللی مجليسيميزه اونره جگينيز اوزو- نوزه بنزر بايراغينيزی قيفيللی سانديغينيزدا ساخلايين!
دئمه کی، منيم "آش"يم يوغورتلودور،
يئسن ده، يئمه سن ده حاققين بودور.
20.05.2007 بالتاجی آراز
************************اوتان آی ماحميدعلی چهرگانلی!
699اوتان آی ماحميدعلی چهرگانلی!
حزب الهی اولسان آی الی قانلی!
سنی فارس ائديبدير آذربايجانلی
سنه فارس بولوجو بايراق قالديريب
بولوجولری مای تاختدان سالديريب.
700
اوتان آی اوتانماز چهرگانلی بی!
گل ميللی حرکتيميزه باش ای!
(گل ميللی- دئموکرات ميللته باش ای!
بايراق ايله بولمه کی، دردینه دی!
ساوادلان کی، بلکه ليدر اولاسان
جاهيل يوخ، بيليکلی يولچو بولاسان.
701
اوتان آی گاموحون ليدری، اوتان!
اوتان آی بايراغينی فارسا ساتان!
اوتان آی ليللنديريب باليق توتان!
سن قالديران بايراق فارس بايراغيدير
يوز نئچه مين کوچمن تات ياراغيدير.
702
اوتان آی "گاموح"دان يانا جاهيل تورک
بايراق ايله بوله نين بئلینی بوک
بايراق قاييران فارسين قانينی توک!
سولدوز تورکونون عثمانلی قانی وار
تورکلشميش تاتلارا دوغراماز کاوار
703
اوتان آی "ليدر" روتبه سی داشييان!
ساوادسيزليقدان باشينی قاشييان،
سندن نه اويرنه بيلر ياشييان؟
نه وئرميسن کی، آلا بيلمه ييرسن؟
مای هاواسينی چالا بيلمه ييرسن؟*
*- "اوُ تای، بو تای بير اولسون!"
"مرکزی تبريز اولسون!"
21.11.2007 بالتاجی آراز
****************
بولونمز ميللتيمين بايراغی وار.
704
ايران دئموکراتيک اولسا بولونر
ايشقال ائتديکلری گئری آلينار
هر دونمين اوز توته گی چالينار
گاموح"ون دينی فارسا قوللوق ائدير
دينين بوگونکو رولوندان سوز گئدير.
705
ايستيقلالچی تورک مممدامينچیدير
روس کوله سی ائدن تورک لئنينچیدير
آنتی دئموکرات "گاموح"چو دينچیدير.
"گاموح"و ايرانچی دينچی ائديبدير
تيجارت حاققی آلماغا گئديبدير.
706
"گاموح"ون ليدری جاهيل اينساندير
جاهيل اولدوغو اوچون موسلماندير
بو سببدندير کی، بيلمز نه ماندير.
جهل ياپيجی دئييل کی، ييخيچیدير
جهلين کوکونو قازديران عيرقچیدير.
(اوز خالقينی گليشديرن عيرکچيدير)
707
"گاموح" اوزوندن باشقاسينی دانير
هم ده آلله تکين "رعييت" سانيًر
گوره سن سهوینی آنلايير قانير؟
ميللی يازقينی ميللی مجليس يازار
آلله يازديران يازقيلاری پوزار.
708
گاموح" تایلاری دين ايله آييرير
بايراق ايله باشقا ميللت قاييرير
نيفاق توخومو اکمه يه چاغيرير
بولونمز ميللتيمين بايراغی وار
مجليسی ده وئرمز باشقا بير قرار*
*- يازقيسينی اوزگه يازان قويوندور،
ضرری هم شکی نين، هم خويوندور.
709 *- ديققت!
هر قوروم اوز يولونو بللی ائدير
يا فارسين، يا تورکون يولونو گئدير
گاموحو جايديريبدير موللا قدير
دئييب خالقی بايراق ايله اوغراشدير*
بولدوکدن سونرا قانينا بلشدير**
آراز دئير سببينی آراشدير.
**-"گاموحباشيميزا چوخ درد آچاجاق،
تانينديقدان سونرا هارا قاچاجاق؟
آياغين آلتينا يوخ کی، اونه باخ!
يولو آيدينلادان آراز تکين شاخ!
07.07.2008 بالتاجی آراز
*******************گاموحون ظولوموندن هر کس بيخيب.
گاموح تکين قوروم ديکتاتور سونار،
يانديرديغی اودون ايچينده يانار.
710 *- ديققت!
گاموح" "گاموح"چونون بئينینی يويور
ايچینه دوشمنسئور مئتود قويور
او قدر چور- چوب يئديرير کی، دويور.
توخ بئيينين قولاغی سوز ائشيتمز
سوز ائشيدن، بئينینه چوپ داشيتماز
711*- ديققت!
گاموح" "يازقی" يازير ميللی مجليسه
ميللی مجليسدن اونجه قويور سسه
"گاموح"چولاردان سس آلير هر کسه
"گاموح"ون ظولوموندن هر کس دويوب
چونکو ميللی حاققيميزا ال قويوب.*
712
ميللی مجليس يوخدور کی، بايراق سئچه
سئچديگی ميللی بايراغا آند ايچه
بايراغين يولوندا جانيندان کئچه
"گاموح" ميللی نيفاق اکير قافادا
تایلارا بولونموش مظلوم جولفادا
713
گاموح" بيلير کی، سولار دورولماييب
بوتایدا ميللی مجليس قورولمايًب
بوتوولشديرن سورغو سورولماييب
ميللی مجليسده سئچيله جک بايراق
بللی اولماييبدير کی، باش دا ياراق.
714
<ياراتديغی بوگونکو پيس دورومدور
گوره سن بو دا "ايچی- بوش" يورومدور؟
"گاموح" ميللی بيرليگی پارچالايير
هم ده توپلاديغی سويو جالايير.
... سون گونلرده "گاموحچو اولاراق چهرگانلی بی دن آيريليريق" دئين دوستلاريندا اساس ندنلری بو تشکيلاتا يارانان سالديريلار ادبيياتيندان اورتايا چيخا بيلر. ..." 21.05.1387 تهران
715
گاموح"چولار "گاموح"و ترک ائديرلر
چونکو کوله يئتيشديرن "ليدر"لر
قول اولمايانی يون تکين ديديرلر
دئموکرات اولمايان قوروم داغيلار
قورومسوز ميللت قورتولماز، ساغيلار.
دئموکراسی نين محصولو بيرليکدير،
هر بيرليگين ده محصولو ديرليکدير.
; 11.07.2008 بالتاجی آراز
******************آرازيزم بايراق سورونونو چوزوب.
کيم سيزی قييوم ائديب،
حوکم ائده سيز (ميللته)؟ صابير
716
آرازيزم دوزو ايریدن آييريب
ميللی- دئموکراتيک مکتب قاييريب*
خالقينی بيليکلنمه يه چاغيريب
خالقين حاققی وار سئوديگينی سئچه
سئچديگی اولچو ايله اولچه- بيچه.
*-... ميللی دوشونجه نين چئشيدلی اولماسی ساده جه گونئی آذربايجان حرکاتيندا اورتايا چيخيب! ميللت بير اولورسا، دئمک ميللی دوشونجه ده بير اولماليدير
"بای باک" سايتی نين سوزجوسو.
717
آرازيزم چوزوب ميللی سورونلاری
دييشسه ده فورمالاری دونلاری
دييشمز ماهييتلری يونلری.
آرازيزم اويرديب سورون چوزمه يی
دوشمنه قارشی ترس يونده اوزمه يی.
718
آرازيزم چوزوب بايراق سورونونو
قيريب نيفاق سالانين بورونونو
ييرتيب قييوم سئچنين "قارين"ينی
ايچيندن بايراق قالديران فارس چيخيب
نيفاق سالانلارين ائوينی ييخيب.
719
آرازيزم ميللتين يولونو گئديب
تورک سويلو خالقينی ميللتچی ائديب
خيانت ائدنی يون تکين ديديب
آرازيزم ميللته يازقی يازماييب
مجليس اونرن بايراغی پوزماييب.
720
آرازيزم دئير هر بير تشکيلاتا
حاق وئرمه يين "بای باک" آدلی بو سايتا
ميللی بايراق سئچن بو "دئپوتاتا
ميللی بايراغی ميللی مجليس سئچر
نيفاقچی فارس مجليسيندن سو ايچر
18.07.2008 بالتاجی آراز
*****************
ائله ياتمايينکی، آلتدان سو چيخا.
ائله ياتمايين کی، آلتدان سو چيخا
سيخينتيلار بوغازينيزی سيخا.
ائله ياتما کی، سن اکه نی بيچه
صاباحکی دوشمنين الینه کئچه.
ائله ياتما کی، صاباح الدن گئده
يارينکی دوشمنلرين کاما يئته.
ائله ياتما کی، اوزوندن گئده سن
صاباحکی دوشمنه قوللوق ائده سن.
ائله ياتما کی، شوعارلارين سونه
صاباحکی دوشمنين سوزوندن دونه.
ائله ياتما کی، بيليکسيز قالالار
صاباحکی دوشمنه داوول چالالار.
ائله ياتما کی، خئيريندن کئچه سن
ايچ دوشمنلرين يولونو سئچه سن.
ائله ياتما کی، بيليکسيز قالاسان
موقلليد تکين اويونجاق اولاسان.
ائله ياتما کی، يوخو اوسته له يه
اوغراديلاسان آغير خسته لييه.
ائله ياتما کی، خالقين دا اويويا
دوشه دوشمنين قازديغی قويويا.
ائله ياتما کی، اينقيلاب صاباحی
اوز اوستونه قايتارالار سيلاحی.
ائله ياتما کی، ايستيقلالدان سونرا
ايدئولوژيک اولا آنا ياسا.
ائله ياتما کی، دئموکراسی اوله
آذربايجان دونه بير قانلی گوله.
ائله ياتما کی، حوکوم سوره تييه
چوغونلوق آزليغين حاققينی يئيه.
ائله ياتما کی، دئيه حاققين يوخدور
چوغونلوغونکی آزينليقدان يوخدور.
ائله ياتما کی، ايستيقلال صاباحی
قانون قويوجو ائده لر آللاهی.
ائله ياتما کی،آلله روح ساييلا
ايش- ايشدن کئچديکدن سونرا آييلا.
ائله ياتما کی، بير اوووج بزيرگان
سربست اولا کی، خالقا اوتدورا قان.
ائله ياتما کی، ديکتاتور اوره ته
يازيلماميش قانون ايله يونه لده .
ائله ياتما کی، آلله يازقی يازا
اينسانين يازديغی يازقينی پوزا.
ائله ياتما کی، آلله قانون قويا
ايبطال ائدنين دریسینی سويا.
ائله ياتما کی، آلله قاضی اولا
حاق وئرمه يه دوخسان بش فاييز قولا
وئريلمز حاقلاريميز الده قالا.
ائله ياتما کی، موللاسی توولايا
"جننت" يئمی ايله خالقی اوولايا.
ائله ياتما کی، بوشانسا اريندن
يوخسون اولا اوره تديگی اوروندن.
ائله ياتما کی، قادين کوله قالا
کئچيم درديندن "اوزو يولا" اولا.
ائله ياتما کی، ائرکک اوستون اولا
طالاق حاققيندان قادين يوخسون اولا
اوشاق حاققيندا آنا يوخسون اولا.
ائله ياتما کی، قاديًن گون گورمه يه
بوتون ساحه لرده حوکوم سورمه يه.
ائله ياتما کی، ايشسيز ايش بولمايا
ايشسيزين خرجینی وئرن اولمايا.
ائله ياتما کی، قاچاق مال ساتيلا
قارا ياخانين بوينونا آتيلا.
ائله ياتما کی، حسرت قالا آشا
يوخسوللوقدان پيسليکلره بولاشا.
ائله ياتما کی، يازقی پيس يازيلا
يوخسوللوقدان اخلاقييات پوزولا.
ائله ياتما کی، يوخسللوق اوزوندن
پيس ايش گوره کی،اوتانا اوزوندن.
ائله ياتما کی، يوخسوللوق بورويه
ائلين اوره تيجی گوجو چورويه.
ائله ياتما کی، سيقورتاسيز قالا
پاراسی يئتمه سه سارليب- سولا.
ائله ياتما کی، يوخسول ائوسيز قالا
هم ده وطن اوغروندا يوخسول اوله.
ائله ياتما کی، کاميًنا يئتمه يه
يوخسول اونيوئرسيته يه گئتمه يه.
ائله ياتما کی، گيرئو ياساخلانا
پيکئت کئچيرن توتولوب- ساخلانا.
ائله ياتما کی، توخومو اکيله
سيياسی اينسانا دوستاق تيکيله.
ائله ياتما کی، اکديگين بيتمه يه
دوشونجه اوزگولوگونه يئتمه يه.
ائله ياتما کی، اولا فرقلری:
عئينی اولمايا بيرئيسل حاقلاری.
ائله ياتما کی، حاققين اولا هدر
آلا بيلمه يک فيرانسيزلار قدر.
ائله ياتما کی، دئموکراسی باتا
فئودال- کومپرادور کاما چاتا.
ائله ياتما کی، تک پارتيلی اولا
دوولتين ايشلری اورتولو اولا.
ائله ياتما کی، دوولت ارباب اولا
خاديم ائتمک اوچون اينقيلاب اولا.
ائله ياتما کی، تاجير قيمت قويا
اوجوز آلا، باها ساتا، جيب سويا.
ائله ياتما کی، بير اوووج فئودال
مئکانيزاسييونا چئويره دال.
ائله ياتما کی، ياشايا فاييزه
فاييز ايله ائتمه يه مئکانيزه.
ائله ياتما کی، مورادا يئتمه يک
صنايئلشديرن يولو گئتمه يک.
ائله ياتما کی، موستمله که قالاق
مونتاژ ائتمک اوچون تراکتور آلاق.
ائله ياتما کی، توکه ديجی قالاق
ميللی ايقتيصادی پيس کوکه سالاق.
ائله ياتما کی، ساييسيز دردلری
آنلاتماق اوچون آشام سرحدلری.
ائله ياتما کی، سانسورسوز دونيادا
قويمايا آراز خالقينی اويادا.
14.10.2006 بالتاجی آراز
*****************
گلين بو وحشیليگه سون قوياليم!
کور قورور حاقلی سوزه قارشی چيخار،
کور قورورون ائوينی منطيق ييًخار.
گلين بو وحشیليگه سون قوياليم،
ناز اکيب، ناز بيچيب، يئييب دوياليم.
دوغولاندا اينجيتميشم آنامی،
اينجيتمه رم داها باشقا آدامی.
دونيا فانی دئييل، عومور فانيدير،
اينجیيه بيلن جانلی نيًن جانيدير.
اينجيتمک وحشی حئيوانين ايشیدیر،
اينجيدن انسان دا بير نوو وحشیدیر.
اينجيتمه گين کيمسه يه خئيری يوخدور،
هم ده اينجيدنه ضرری چوخدور:
اينجيدن اينسانی ويجدان اينجيدر،
بير کز سينسيدنی مين کز سينسيدر.
دوست اينجيتمه مه ليدر اوز دوستنو،
يوخسا آچماليدير گيزين اوستونو،
دوستلوق قوردوران اورتاق کاراکئتردیر،
اورتاق کاراکتئر ساغالدان دوکتوردور.
دييشيک اوزه لليکلر هر کسده وار،
ياخشی ايله پيسی "آختاران تاپار".
هر بير ويجدان اوچون ياخشی ياخشیدیر،
ويجدانينی دينله مه ين وحشیدیر.
پيسی ياخشيدان آييران ويجداندیر،
ياخشييا پيس دئين خسته انساندیر.
خسته ليگين سببی سومورودور،
محصولو اوزو قارا کومورودور.
ويجدان حوققا-فيريلداقدان آنلاماز،
اويره نمه دن خوروز تکين بانلاماز.
فيريلداقچيلاری تانيمتاق اوچون،
گرکن علملر کشف اولوب بوگون.
علم قويماز تابو* ائده آناسی،
دئيه "کوره گی ائنلیدی" بالاسی.
*- ماحميد علی بی چهرگانلی نين آناسی نين دئديگينه گوره، گويا بالاسی چهرگانلی ليدر اولماق اوچون دوغولوبدور. چونکو "کوره گی ائنليدير". ميللی حرکتيميزين اوگونکو دورومو ايله شوعور سئوييه سینی بوگونکو سئوييه سی ايله توتوشدورون!
"تابو" لاری بالتاجی آراز ييخدی، <<<
تابولاشديًران امک بوشا چيخدی. <<<
علمين کشف ائتديگی دئموکراسيدير،
دئموکراسييا اويمايان عاصيدير.
دئموکراسی دئير آييله قورون، (... سيياسی قوروم)
وئرديگينيز سوزون اوستونده دورون.
دئموکراسی دئير هر بير دوروما،
عئينی حاقلاری وئر هر بير قوروما.
دئموکراسی دئير هربير قوروما،
عئينی حاقلاری وئر هر بير بيريمه. (بيرئيه)
دئموکراسی دئير حاق وئر دانيشا،
دوشونجه اوره تمک اوچون ياريشا.
دئموکراسی دئير سربستجه دوشون،
دوشونورون اوستونه چکمه قوشون.
دئموکراسی دئير قوی سوزون دئسين،
يئرسيز تحقير ائدن کوته گين يئسين.
دئموکراسی دئير دينلمک اويره ن،
دينله يه بيلمه سن اوزوندن ايره ن.
دئموکراسی دئير سور ندنینی،
کی اويره نه، تانييا مدنی نی.*
*- سورمادان، بيلمه دن، اويره نمه دن، اويره تمه دن يارقيلاماق اولماز.
دئموکراسی دئير اونجه تنقيد ائت،
جاوابسيز بوراخسا اوز يولونو گئت.
دئموکراسی دئير باش ای ارنه،
آزينليغا عئينی حاققی وئرنه.
دئموکراسی دئير آلچاغی آلچالت،
بويوکو بويوکلوگو قدر اوجالت.
دئموکراسی دئير قورور ياخشيدیر،
او زامان کی، حاققين سنگرداشيدیر.
قورور ناموسو قورويان قوچاقدير،
منليگی ساغلام اولمايان آلچاقدير.
قورورلو ويجدان باش اير بويوکه،
قويماز آلچاق فارس أششک دئيه تورکه.
قورور ايستر کی، اوزونو به يه نه،
ويجدان حاق وئرر پيسه پيس دئيه نه.
قورور بيلمه دن جهلینی به يه نر،
هم ده جاهيل قالماق اوچون ديره نر.
قورور آنلاماز پيس ايله ياخشينی،
دييشديرمز کيمسه نين باخيشينی.
قورور بصيرت گوزونو کور ائدر،
سوز ائشيدن قولاغينی کار ائدر.
قورور دئير توتدوغونو بوراخما،
حاقلی اولوب اولماديغينا باخما.
قورور قويماز کی، جاهيل آغيللانا،
پاسلانميش آغلی-بئينی سيغاللانا.
قورور قويماز اوزوندن تنقيد ائده،
ياخود تنقيدچی نين يولونو گئده.
قورور بيرلشديرن باغلاری قيًرار،
هم ده رقيبی نين آغزينا وورار.
قورور لازيًمدی کی، ياخشی قورونا،
قويماييًن صرف اولا يئللی بورونا.
قورور لازيًمدی کی، حاققی قورويا،
يوخسا ايسترم کوکوندن قورويا.
قورور دئير سوچومو ايچ ائيله مه،
ايچيندن پيسليک چيخارما قلمه.
قورور دئير رذيل ائتمه يين منی،
بوراخيًن اينجيديم تنقيد ائدنی.
قورور دئير منی عئييبسيز سانين،
خطريمه ديمه مک اوچون ده يانين.
قورور ايستر کی، اوز عملی ايله،
اوزونه تای اينسان ائده تربييه،
داغيًلسا دا قوراجاغی ... آييله. (قوروم)
قورور دئير سورما مندن سببی،
جاوابسيز رعايت ائتمز ... ادبی.
قورور بيليکسيز- منطيقسيزوارليقدير،
موقلليد تکين اويونجاق يارليقدير.
قورور باش ايمز حاقق ايله منطيقه،
دوغردور، دييشمز هئچ بير عنتيقه.
قورور دئير سئومه سن گل ساواشاق،
يوخسا سوچوما تنقيدسيز ياناشاق.
قورور ايستر قورور اوستونه جوما،
ايسته مه سه کی، سوچونا گوز يوما
قورور دئير منه تحقيرحاققی وئر،
منه قارشی تحقيره وئرمه يين يئر.
قورور قوندارما گوزلوک ده تاخديرار،
ليدر اولا بيلمه سه قان آخديرار.
قورور باريشديرماز کی، قاريشديرار،
چهرگانلی بی تکين ياريشديرار.
ويجدان اويادارکی، جاهيل قالمايا،
قورور قالديران دآوآيا ... دالمايا.
قورور وار کی، ييخار ائوی، ائشیگی،
قورور وار کی، ائدر ... وطن کئشيگی.
جهلدن يانا قورور ييخيجيدير،
کور قورورلا ياشاماق سيخیجيدير.
کور قورور حاقلی سوزه قارشی چيخار،
کور قورورون ائوينی منطيق ييخار.
19.05.2010 بالتاجی آراز
********************
تورکچونون عشقی...
(عشق سيز، اينام سيز آدديم آتيلماز،)
(اوزونو سئون اوزگه يه ساتيلماز.)
تورکچونون عشقی اينسان ليغيندادير،
تاجيرين عشقی حيوان ليغيندادير.
تورکچونون عشقی دورولوغوندادير،
حاقليليق ايله دوغرولوغوندادير.
تورکچونون عشقی صداقتينده دير،
قاديندان يانا عدالتينده دير.
تورکچونون عشقی دوروستلويونده دير،
سوزوندن دونمه ين دوستلوغوندادير.
تورکچونون عشقی دردلی ليیينده دير،
يانديريب- ياخان اودلولوغوندادير.
تورکچونون عشقی اوز تورکلويونده دير،
تورکلويو سئون بويوکلويونده دير.
تورکچونون عشقی تورکچولویونده دير،
تورکو قورويان ايرقچيليیينده دير.
تورکچونون عشقی وورغونلوغوندادير،
اولوم هرشئیيًن دورغونلوغوندادير.
تورکچونون عشقی اوزگورلويونده دير،
قيًسيلماز سسی نين گورلويونده دير.
تورکچونون عشقی کسکين ليیينده دير،
گوجسوزون عشقی ميسکين ليیينده دير.
تورکچونون عشقی اويرنمه یينده دير،
جهلين اونونده ديرنمه یينده دير.
تورکچونون عشقی اره نليیينده دير،
آرازيزمی نين درينليیينده دير.
تورکچونون عشقی سئوگيلرينده دير،
سئوگی شکلينده وئرگيلرينده دير.
تورکچونون عشقی گوزه لليک لرده دير،
ظولومه قارشی اوزه لليک لرده دير.
تورکچونون عشقی حاق سئورليکده دير،
چونکو ديريليک بخته ورليکده دير.
تورکچونون عشقی يارا سارماق دادير،
باش يارانين باشينی يارماق دادير.
تورکچونون عشقی کوسدورمه مکده دير،
تنقيدچیلری سوسدورماماق دادير.
تورکچونون عشقی الشديرمکده دير،
يئرينده دوزو ايلشديرمکده دير.
تورکچونون عشقی اويانديرماق دادير،
جهلی اونله ييب- دايانديرماق دادير.
تورکچونون عشقی اينادسيزليق دادير،
اينادين کوکو ساوادسيزليق دادير.
آرازين عشقی تورانچيليق دادير،
ساتقين تورکونکو ايرانچيليق دادير.
04.10.2007 بالتاجی آراز
آتا-بابا سؤزلری :
1 -سؤز وار گلَر گئدَر، سؤز وار دَلَر گئدر.
2 -یاخشؽ و گؤزل سؤز، دَمیر قاپؽلارؽ آچار.
3- آجی سؤز دانؽشان ، شیرین سؤز ائشیتمَز.
قایناق:
https://www.otay-butay-vetendir.com/ir
عحبا مئقالومانییا بیر خسته‌لیک‌دیرمی؟
چهرگانلی هر گون بير هاوا چالير
گاه آيريلير، گاه دا ايراندا قالير
ايرانچیلارين ... قاداسینی آلير
چهرگانلی خالقی اويونجاق سانير
دون وئرديگی سوزلری بو گون دانير
آند ایچیره م:
دیکتاتورلارین ایمومی کاراکتئرلری :
۱- اوزلرینی موقدس و عوض ائدیلمز سانیرلار.
۲- چوخ آشیری یالان سویلرلر.
۳- جاهیللیکدن بسله نیرلر.
۴- الشتیرمه یه(تنقیده) تحمموللری اولماز.
۵- سون درجه ائگوئیست و تکببورلی اولارلار.
۶- تجمولاتی چوخ سئورلر.
۷- جاه طلب و شهرت پرست اولارلار.
و ...
باشقا ویدئولار بو مووضو حاقدا:
https://bit.ly/3rWDV9z