۷ - آرازين قلمی اينتيحار ائتدی.

  آرازين قلمی اينتيحار ائتدی.

(گنج نسيليميزين باشی ساغ اولسون!)

آرازين قلمی اينتيحار ائتدی،
چونکو دئمکدن ديلينده توک بيتدی،
موشتری بولمادی کی، چيخدی، گئتدی؛
     آراز يارارلی دئييلسه اولوسا،
     ديلينی داغلاماليدير کی، سوسا.

 (آن پيس يامانلاريمی کيمه سونوم؟)

آرازين قلمی اينتيحار ائتدی،
چونکو تحقير اولدو، هم ده چوخ جيددی،
اومودو اوزولدو، صبيری بيتدی؛
     آراز يازدی کی، يازيسی ياييلا،
     يايماديلار کی، اوکورو آييلا.

آرازين قلمی اينتيحار ائتدی،
چونکو "فايداسيز" اولدوغونا يئتدی،
تميزليگين قدرينی بيلمز بيتلی؛
     بيتلردن آرينماق ايسته مه ين تورک
     دئير آرينديرماق ايسته يندن اورک

آرازيزيم گنج تورکلرين مکتبيدير.

آرازين قلمی اينتيحار ائتدی،
چونکو يازيسينی بويکوتچو ييرتدی،
ييرتيب- آتدی دئمه، سويله کی ديتدی؛
     قلم اولدوتدورنلره لاغ اولسون!
     گنج نسيليميزين باشی ساغ اولسون!  (20 – 30)

آرازين قلمی اينتيحار ائتدی،
چونکو قويدوغو امکلری ايتدی،
ايتيرن ظولومون اولمادی حددی؛
    هئچ بير سيياسی تورک اولمادی راضی،
    [هئچ بير سيياسی تورک اولمادی راضی،]   (ماوی رنگليلر)
    [هئچ بير سيياسی تورک اولمادی راضی،]   (قيرميزی رنگليلر)
    [هئچ بير سيياسی تورک اولمادی راضی،]   (ياشيل رنگليلر)
    کی ساوونا بويکوت اولموش آرازی.

(تحقيره لاييق نسليمه عار اولسون!)

بو اثر ميللی چاغدا کئچرليدير،
ميللی دئوريميميزه يئترليدير،
ايچ و ديش دوشمنينه خطرليدير.
آرازی بويکوت ائدنه عار اولسون!
بويکوتچولوغون جزاسی دار اولسون!
تورانچی تورکه بو کيتاب يار اولسون!
     دئوريمچی تئوروسوز دئوريم اولماز،
     بيليکسيز دويغو دوغرو يولو بولماز.

آيدين آنجاق دوغرو يولو گوسترر،
آلينمايان حاققی دوشمن باسديرار.  (اولدوروب- گومر.)

سول گوناز" سيته ميزه ميننتدارام.
بالتاجی آراز 31.03.2011