۴ - بويکوت اولموش آرازين سوچو ندير؟

بويکوت اولموش آرازين سوچو ندير؟

(آرازين هر يازيسی بير آچاردير،)
(آچارلی اولماغا هر کس ناچاردير.)

 بويکوت اولموش آرازين سوچو ندير؟
عدالتين، اينصافين بورجو ندير؟
ميللی و دئموکراتيک اولچو ندير؟
     لوطفن يئتيشين آرازين دادينا!
     حاق وئرمه يين حاقلارين جللادينا !

 آراز ايستيقلال ايسته يير يوردونا،
آراز آزادليق ايسته يير بودونا،
کی قورآن يازقی يازمايا ... قادينا.
     يا اويره تمک اوچون تنقيد ائت منی،
     يا مندن اويره ن کی، قورتار ... وطنی.

من يازماسايديم تحقير اولاجاقديم،
هم ده اوزومو سوچلو بولاجاقديم،
اوزومو اينجيتمه يه دالاجاقديم.
     چونکو من اوزومو قورتارميش اولدوم،
     سيزه قورتولوشون يولونو بولدوم.

سن تنقيد يئرينه بويکوت ائديرسن،
دييالوق پرينسيبی نی ديديرسن،
مونولوقچونون يولونو گئديرسن.
(ديکتاتورلارين يولونو گئديرسن)
     دئييرسن منيم "آش"يم يوغورتلودور،*
     يئسن ده، يئمه سن ده حاققين بودور.

* سورونوموز فردی سورون دئييل کی، ميللی و صينفی پروبلئمدير

سن دئييرسن "تانری تورکو قوروسون،
يعنی قورآنداکی قادين چوروسون،
جهل ايله ظولوم اولکه نی بوروسون.
     قورآنی اوخو کی، جهله ساتيلما،
     اويرنمه دن سيياسته قاتيلما

نه اويرديرسن، نه ده اويره نيرسن، (بويکوت ائديرسن)
نه ده آللاهليغيندان ايره نيرسن،
چونکو جهلين خئيرينه ديره نيرسن.
     دئييرسن بوراخ منی اوز حاليما،
     جهليمی يئديريم جاهيل ائليمه.

آراز حاقدان يانا فيکير يورودوب،
فاشيستی دوشونجه لری چورودوب،
... آنتی قادين آيه لری بليرديب.
     آراز يازدی کی، سن ده اويره نه سن،
     جهلسئور ائدنلردن ايره نه سن.

اويادان واردير کی، خالقيم اويانير،
دوشمنلری نين اونونده دايانير،
گرکيرسه آل قانينا بويانير.
     دوشمن ايسترکی، خالق يئرينده سايا،
     قويماز اوياديجی يازينی يايا.

وارليغين قاتيلی بويکوتچو اولار،
بويکوتچو دا اوز جزاسينی بولار،
اوزو قاراليق داش کوموره قالار
     قالانينی ايکينجی آراز يازسين،
     دوغورمادان اونجه يه قدر دوزسون

02.03.2011

ميللتلر ايله صينيفلری اولوم- ديريم ساواشلارينا ايتن ايقتيصادی، سيياسی، سوسيال، کولتورل منفعتلری نين هدف لرينی کشف ائديب، بليردن ميللی و صينفی ايدئولوژی لر گرکن بوتون داورانيشلارا دا يون وئررلرهر دوولتين بس- بللی ميللی و صينفی ايدئولوژيلری، و او ميللی و صينفی ايدئولوژيلرين ده او جومله دن بليرتديکلری بس- بللی سيياسی هدفلری ايله قيرميزی خطلری اولار. نئجه کیاورنک اولاراق نالا- ميًخا ووران ايرتيجاچی و ايدئولوژو دوشمنی اولان گونتای بی گنجالپ ين ايدئولوژوسو دئيير:
"... بير دين وار، بير ده دين تاريخی.
...آيدينلانمانين اساس وظيفه لريندن بيری ده بوندان عيبارتدير. يانی تنقيد ائديلن شئی دينين موقددس ديرلری دئييل، دينی قوروم و قورولوشلاردير،دينی اينستيتولاردير.                12.01.2009 گونتای گنجالپ

آنجاق ايدئولوژو بيرلشديرر،
هر صينفی اوز يئرينده يئرلشديرر.

  بالتاجی آراز