۲ - اولوسالجې چالېشان ایڳیدلریمیزه اۆزتوتو (مۆراجیعت)! !
اولوسالجې چالېشان ایڳیدلریمیزه اۆزتوتو (مۆراجیعت)!
عزیز ائلهجه ده حؤرمتلی سۏیداشلارېم، بیلدیڳینیز کیمی یازېب-سوندوغوم یاپېتلارېن(اثرلرین) یازېجې‌سې من اۏلسام‌دا اۏ یاپېتلارېن گرچک صاحیبلری بوگۆنکۆ، گله‌جکده‌کی تورانچې هابئله بۆتؤو آزربایجانچې سۏیداشلارېمېزدېرلار. البته کی، ایرتیجاع ایله میللی سؤمۆرگچیلیگین کؤکۆ قازېلدېقدان سۏنرا سوندوغوم یاپېتلار دڳَرلرینی ایتیریب، تاریخین مۆزئیینه گؤندریله‌جکلر. آنجاق تاریخین مۆزئیینه گؤندریلمه‌دن اؤنجه‌یه‌دک گۆندمده قالمالېدېرلار.
چۆنکو: دۆز سؤز هر زامان اۆچۆن دۆزدور
آرازین هر سؤزو أسکیمز سؤزدۆر(کؤهنلمز).
یازېچې اوْلاراق میللی فعّاللارېمېزدان واردېر کې، دئدیکلرینه گؤره آذربایجانېن میللی قۏنولار حاقېندا بئش یۆزدن چۏخ یازې یازېبلار. آنجاق سؤزده یاخشې یازېلاریلا ژۇرنالیستی یازېلار اوْلدوقلاری اۆچۆن فوْتۏگرافچېلارېن محصوللارې تکین ظالېما قارشې مظلومو دۇیغولاندېرېب. میللی روحلارېنې ایسه اوْیادېب ائلهجه ده میللی منفعتلری‌نین دوْغرولتوسوندا دۆشونمه‌لرینه یوْل آچیب. یارارلې اوْلدوقلارې قدر حؤرمت قازانا بیلیبلر. آنجاق ژورنالیستی یازېلار اۏلدوقلارې اۆچۆن، یعنی سیاستی ایقتیصادلا یۏخ، بلکه سیاست‌له ایضاح ائتدیکلری اۆچۆن، اۏ ج‍ۆمله‌دن نیه ایستیقلال؟ نیه فئدئرالیزم؟ کیمی میللی پروبلئملریمیزین حاقېندا هئچ بیر شئی اؤرگتمه‌ییبلر.
یعنی اؤرگنمه‌ییب هابئله اؤرگتمه‌ییبلر کی، او ج‍ۆمله‌دن ...
-باجې‌یا قارداشې‌نېن یارېسې قدر پای یئتیشمک اۆچۆن،
-تارلا سایېلمېش مۆساواتچې آنانېن محصولو آتانېن اۏلماق اۆچۆن،
-قاضېلېق حاقېندان یۏخسون قېلېنمېش قادېن اؤز یازقې‌سېنې اؤزو یازماماق اۆچۆن،
-یعنی کؤله‌لیڳین دۏنونو دییشدیرن فئۏدالیزمین ایدئۏلۏژوسونو سونماق اۆچۆن(ایسلام دینینی مؤحترم سایان آنتې قادېن ائرککلرین اۆرک سؤزلرینی ایچرن) قورآن یازېلېبدېر.
یعنی دئمه‌ییبلر کی، قورآن یازېلېب کی؛
- قورانېن آیرې-سئچکیلیڳینه اۆزلشمیش کؤله‌لرله قادېنلار ائلهجه ده جهلین دۆشمنلری اۏلان آیدېنلار ازیلسینلر.
کیم ائدر آروادېنې آسېلې مال؟
کیم ائدر اسیرینی آسېلې مال؟
کیم ائدر هر ائوینی بیر فئدئرال؟
کیم ائدر سؤمورگه‌سینی فئدئرال؟
یوخسا غارت اۏلا بیلمز بیت المال.
(میللی معدنلریمیز، وئرگیلریمیز، فائیزلریمیز و ...). سیاستی ایقتیصاد ایله ایضاح ائتمکدن قۏرخان سۏیداشلار ایسترلر کی،
۱ -دېش دۆشمنلریمیزین اؤلچۆلری و مئتۏدلاری ایله میللی پرۏبلئم-لریمیزین چؤزۆمۆنه دۆشۆنک.
۲ - میللی حاقلارېمېزې ساتماقلا بیرلیکده، میللی اینکیشافې‌مېزېن دۆشمنلری اۏلان فئۏدال یاپېلې ایچ دۆشمن‌لرېمېزین اؤلچۆلری هابئله مئتودلاری ایله ایچ پروبلئملرېمېزین چؤزۆمۆنه دۆشۆنک. ائله اۏنا گؤره:
دئمزلر کی، باغېمسېزلېق قورتارار بئیتۏلمالې،
دئمزلر کی، قرآن دۏغمازدی قادېن اولماسایدې،
دئمزلر کی؛
- قورآن ایستر کی، کؤله، کؤله قالا
- ایسته‌مز وئریلمز حاقلارې آلا
- ایسته‌مز ایستیقلال حاقېنې آلا
- ایسته‌مز بیرئیسل حاقېنې آلا
۳ - دئیرلر کی، قېزیل بۏشقابدا فئدئرالیزم سونموش سؤمۆرگه‌چې روس میللتی تکین میللی کؤله‌لرینه فئۏدئرالیزم سوناجاق سؤمورگه‌چې فارس میللتې‌نین دۏن دییشدیره‌جک اؤلچۆلری ایله مئتودلارې لازېمدېر بیزه. (مۆفته قانېنېز وار ایسه بویورون!).
اؤزگه‌لرین کؤلگه‌سینه دؤنۆشمک اۆچۆن، اؤزگه‌لردن آسېلې ائدن مونتاژچېلېق ایله کۏمپرادۏریزم لازېمدېر بیزه.
آراز اۏلماسایدی حاققېن یاناردې
هر سیاسی اؤزونو خان ساناردې
وئریلمه‌ین حاقلارېنې داناردې.
نئجه کی، کاپیتالیزمی الشدیرمیش مارکس سوسیالیستی دئوریمه گره‌کن ایدئۏلۏژونو سونوبدور. من ده میللی-دئموکراتیک دئوریمیمیزین گرچکلشمه‌سی اۆچۆن تام آنلامېندا میللی-دئموکراتیک ایدئۏلۏژو سونموشام:
هانسې چېچکلی باغې گزمه‌میشم؟
هانسې شانېن بالېنې سۆزمه‌میشم؟
نیین حاققېندا یازې یاز-مامېشام؟
من سیزه ایدئۏلۏژو سونموشام
سیزدن تنقید ایله یاردېم اومموشام
منی الشدیرمک ایسته‌ین چۏخدور
تئز ده واردېر کی، آنتی‌تئزی یۏخدور.
ائله اۏنا گؤره اودوب-آتا بیلمه‌ینلر بۏغولماغا (سوسماغا) محکومدورلار. سیز عزیزلریمیزدن ریجا ائدیرم کی، سیزین اۆچۆن یازېب-سوندوغوم یاپېتلارېما صاحیب چېخاسېنېز. صاحیب چؽخا بیلمه‌نیز اۆچۆن اۏیانېش مرحله‌سی بۏیونجا سوندوغوم یاپېتلارېمېن هامېسې‌‌نېن ساتېلېجاق کیتابلار شکلینده ائلهجه ده سیته‌لریمیزده یایېلا بیلمه‌لری اۆچۆن گره‌کن ایمکانلارې ساغلاماقلا بیرلیکده هابئله یارارلې اۏلماق ایله بیرلیکده ایتیب-باتماسېنلار.
چۆنکۆ یازېلارېن ایچریکلری‌نین درینلیکلری ائلهجه ده نیته‌لیکلری باخېمېندان، بالتاجې آرازېن یازېلارې‌نېن بۆتۆنۆ تک باشېنا نه فقط میللی-دئموکراتیک دئوریمی گرچک-لشدیره‌جک زئهینلری، زئهینسل دئوریمه اوغرادا بیله‌جک أن بیلیمسل، أن دۏغرو، أن گۆجلۆ اؤیرتیلر تۆمۆدۆر، بلکه تاریخی ضرورتلرین گرکدیردیڳی دئوریمیمیزین مۆکممل پروژه‌سی‌نین چرچیوه‌سی ایله اؤزۆنه مخصوص اؤزللیکلرینی بلیردن بیلیمسل یازېلاردېرلار.
قېزېلچې آنلایار کی، قېزېل نه‌دیر،
آرازیزم قېزېل سونان خزینه‌دیر.
ساغ اولون! بالتاجی آراز 28.04.2012
قایناق: شاعیر بالتاجی آراز
www.otay-butay-vetendir.com/ir
بالتاجی آراز شاعیرین 8-جی ایل دونومو موناسیبتینه آ-ن_ت تیویده آنؽم یایؽمی