۳۹ - آذریایجان اولکه سی جمهور باشقانی، جناب ایلهام علیئوین آزربایجان خالقینا موراجیعتی
آذریایجان اولکه سی جمهور باشقانی، جناب ایلهام علیئوین آزربایجان خالقینا موراجیعتینین تام متنی:
خبرلر بولومو
خبرین موللیفی
2020 اینجی ایلین، اوکتیابر آیینین 26 اینجی گونو، ساهات 06: 17
اوکتیابرین 26 سیندا آزربایجان جمهوریتی
اولکه سینین جمهور باشقانی ایلهام علیئو آزربایجان خالقینا موراجیعت ائدیب.
"رئپورت " موراجیعتین تام متنینی تقدیم ائدیر:
عزیز هموطنلر.
بیر آیا یاخیندیر کی، ایکینجی قاراباغ موحاریبه سی دوام ائدیر. بو موحاریبه خالقیمیز اوچون وطن موحاریبه سیدیر. بیز وطن تورپاقلارینی ایشقالچیلاردان آزاد ائدیریک. بو موددت عرضینده شانلی آزربایجان اوردوسو بیر چوخ یاشاییش منطقه لرینی دوشمنده ن آزاد ائدیبدیر. بیز دویوش مئیدانیندا تاریخی عدالتی برپا ائدیریک. چونکی داغلیق قاراباغ ازلی، تاریخی آزربایجان تورپاغیدیر. عصرلر بویو آزربایجان خالقی بو تورپاقلاردا یاشاییب، یارادیب، قوروب. بیز قاراباغ تاریخینی یاخشی بیلیریک و بو تاریخی دونیا ایجتیماعییتینه چاتدیرماق اوچون سون ایللر عرضینده بویوک ایشلر گورولوبدور. چونکی 1990 اینجی ایللرین اوللرینده آزربایجان حاققیندا عمومییتله، دونیادا او قده رده بویوک تصوور یوخ ایدی. آنجاق بیر چوخ اولکه لرده فعالییت گوستره ن ائرمنی لوببی تشکیلاتلاری هم بولگه نین تاریخی ایله باغلی، هم موناقیشه نین تاریخی ایله باغلی یانلیش معلومات اوتوره رک دونیادا، دونیانین ایجتیماعی فیکرینده تحریف ائدیلمیش تصوور یارادا بیلمیشلر. محض بونا گوره، تورپاقلاریمیز ایشقال آلتینا دوشه _ دوشه بیزه قارشی سانکسیالار( قاداغالار ) تطبیق ائدیلمیشدیر و بو قاداغا و تحریملر بو گونه قده ر قووه ده دیر. موستقیللیمیزین ایلک مرحله سینده آمریکا کونگره سی آذربایجانا قارشی قاداغالار تطبیق ائدیب کی، گویا آزربایجان ائرمنیستانا قارشی تجاووز ائدیر و بو قاداغالار بو گونه قده ر قووه ده دیر، تصوور ائدین. او واخت آزربایجان دیپلوماتییاسی ائرمنی یالانینین قارشیسینا هئچ بیر موصاحیبه ائتمک و تارتیشما گتیره بیلمه میشدیر. سون ایللر عرضینده آردیجیل فعالییت نتیجه سینده بیز دونیا ایجتیماعییتینی قاراباغین تاریخی ایله باغلی، موناقیشه نین تاریخی ایله باغلی کیفایت قده ر معلوماتلاندیرمیشیق. گورولن بوتون بو ایشلر، باخ، بو گون بیزه کومک گوستریر، چونکی آرتیق دونیادا بو مسئله ایله باغلی هدفلی فیکیر وار، داها هدفلی تصوور وار. محض بیزیم یورولماز سعی لریمیز نتیجه سینده بونا ناییل اولا بیلمیشیک. من دیینده کی، بیز تاریخی عدالتی برپا ائدیریک، تام حاقلییام. من (( مونهئن )) تهلوکه سیزلیک کونفئرانسیندا بوتون دونیایا و بو، جانلی فورماتدا آپاریلمیش بحث و تارتیشماق اثناسیندا ثبوت ائده بیلمیشم کی، بو، بیزم تاریخی تورپاغیمیزدیر. 19 اینجی عصرین اوللرینده کوره کچای صولح آنلاشماسی حاققیندا معلومات وئرمیشدیم. دونیادا بو آنلاشما حاققیندا، عمومییتله، گئنیش ایجتیماعی فیکیرده هئچ بیر معلومات یوخ ایدی. افسوسلار اولسون کی، حتتی آزربایجاندا بو موقاویله حاققیندا گئنیش معلومات یوخ ایدی. کوره کچای صولح موقاویله سینی قاراباغ و شوشا خانی ابراهیم خلیل خان ایمضالامیشدیر، دیگر طرفده ن چار روسییاسینین ژنرالی ایمضالامیشدیر. او موقاویله اینترنده وار، هر کس باخا بیلر. امینم کی، منیم بو سوزلریمده ن سونرا ایندیکی دویوش مئیدانیندا وضعیتی ماراقلا ایزله ین گئنیش بئین الخالق ایجتیماعی ییغینجاقلار قوروملاری گئدیب بو سایتلارا گیره جک، باخاجاق گوره جک کی، او موقاویله ده ائرمنی خالقی حاققیندا بیر کلمه ده یوخدور. چونکی ائرمنی خالقی او واخت اورادا یوخ ایدی. ائرمنی خالقی کوره کچای، گولیستان، تورکمنچای صولح موقاویله لرینده ن سونرا بیزیم دده _ بابا تورپاقلاریمیزا گتیریلدی. مقصد یونلو شکیلده گتیریلدی و اولکه میزین ان دیلبر گوشه لرینده ن بیری اولان قاراباغدا یئرلشدیریلدی، اونلارا شراییط یارادیلدی. مقصد آیدین ایدی_ امپریانین یئنی تورپاقلاریندا دینی ترکیبی ده ییشدیرمک، موسلمانلاری اوز دده _ بابا تورپاقلاریندان قووماق، دیدرگین سالماق و یئنی رئاللیق( گئرچکلیک ) یاراتماق ایدی. بو ایدی مقصد و افسوسلار اولسون کی، بو مقصده چاتدیلار. اوندان سونرا ائرمنی اهالیسی قونشو اولکه لرده ن کوتله و بولوکلر قایدادا گتیریلدی، داغلیق قاراباغ بولگه سینده، آزربایجانلیلارین دده _ بابا تورپاقلارینا یئرلشدیریلدی و ائرمنیلر اونلارا خاص اولان خاصییتی نوماییش ائتدیره رک یاواش _ یاواش بیزیم بوتون تورپاقلاریمیزا صاحیب چیخماغا باشلادیلار. 20 اینجی عصرین اوللرینده بولشویک کومونیست اینقیلابیندان سونرا بویوک تهلوکه وار ایدی کی، بولشویک حاکمییتی داغلیق قاراباغی ائرمنیستان وئره جک. قافقاز ایداری داییره سینین پروتوکوللاری وار، ۱۹۲۱ _ اینجی ایلین ایول آییندا. قافقاز ایداری داییره سینین پروتوکوللارینا باخماق کیفایتدیر و بئله تهلوکه وار ایدی. آنجاق حئساب ائدیره م کی، نریمان نریمانووون و گئرچکلیغی دوزگون قیمتلندیره ن دیگر شخصلرین سعی لری تیجه سینده بونا ناییل اولا بیلمه دیلر. قافقاز ایداری داییره سینین پروتوکوللاریندا گوستریلیر کی، داغلیق قاراباغ آزربایجانین ترکیبینده ساخلانیلسین. بوتون بو ایللر عرضینده ساختا ائرمنی عالیملری، ائرمنیلره هاودارلیق ائده ن داییره لر ثبوت ائتمه یه چالیشیردیلار کی، ایستالین داغلیق قاراباغی ائرمنیستاندان آییریب آزربایجانا وئریبدیر. یالاندیر! آچین، باخین قافقاز ایداری داییره سینین پروتوکولونا، اورادا دئییلیر کی، داغلیق قاراباغ آزربایجانین ترکیبینده ساخلانیلسین! بو، بیر داها اونو تصدیقله ییر کی، بو بیزیم تورپاغیمیزدیر. افسوسلار اولسون کی، اوندان سونرا داغلیق قاراباغ موختار ویلایتی یارادیلدی، او بولگه یه خصوصی ایستاتوس( وضعیت ) وئریلدی. آمما اونو دا بیلدیرمه لییم کی، بو، جمهوریت دئییلدی، ویلایت ایدی. یعنی، اورادا داها آشاغی سوییه لی بیر اوزونو ایداره ائتمه میکانیزمی موجوود ایدی. ایندی تاریخه باخماق کیفایتدیر، هر کس گورسون کی، اورادا یاشایان ائرمنیلر بویوک حقوقلارا، ایمکانلارا مالیک ایدی.
سووئتلر واختیندا، موناقیشه یه بیر نئچه ایل قالمیش بولوجو مئیللری گئنیش ووسعت آلمیشدی. حالبوکی بونون اوچون هئچ بیر اساس یوخ ایدی. داغلیق قارباغ موختار ویلایتینین رهبر اورگانی اولان ایداری دفترده 9 عوضو وار ایدی. اونلاردان 8 _ ایی ائرمنی ایدی، 1 _ ایی آزربایجانلی، او دا شوشا رایون کومونیست پارتییاسینین بیرینجی کاتیبی. داغلیق قاراباغین 1_ اینجی کاتیبی، حوکومت باشچیسی، پارلامئنت باشچیسی ائرمنیلر ایدی.
نه ایسته ییردیلر؟ نه قده ر آزربایجان سرمایه و یاتیریم قویوب او بولگه یه، ده میر یولو چکیلیب 1970 _ اینجی ایللرده، سرسنگ سو آنباری تیکیلیب 1970 _ اینجی ایللرده، ماداگیز، _ ایندی آدینی من برپا ائتمیشه م، _ سوقوووشان سو آنباری تیکیلیب. بوتون بونلار آزربایجان جمهوریتینین دوولت بودجه سی حئسابینا ائدیلن یاتیریم و سرمایه لردیر. آمما اونلار نانکورلوق گوستردیلر، وضعییتده ن ایستیفاده ائتدیلر، موسکووادا آزربایجان دوشمنی رهبرلیغینین مووجودلوغوندان ایستیفاده ائتدیلر و بولوجولوک مئیللری باش قالدیردی. اوندان اوول نه ائتدیلر؟ اونلار اوندان اوول حاضیرلیق ایشلری گوروردو و اساس حاضیرلیق ایشلرینین هدفینده حئیدر علیئو دایانمیشدی. چونکی یاخشی باشا دوشوردولر کی، حئیدر علیئوین وارلیغی، سووئت رهبرلیینده اونون بویوک نوفوذا مالیک اولماسی اونلارین پلانلارینی آلت _ اوست ائدیردی. اونا گوره ائرمنیستاندان، دیگر یئرلرده ن، افسوسلار اولسون کی، میللی ساتقینلار آزربایجاندان موسکووایا کوتلوی و بولوکلر صورتده آدی بیلنمز مکتوبلار گونده ریردیلر. قصدا شر _ بوهتان کامپانییاسی آپاریلیردی کی، حئیدر علیئو عامیلی آرادان قالدیریلسین. حئیدر علیئو بوتون وظیفه لردن گئدندن 2 هفته کئچمه میش باش قالدیران ئرمنی بولوجولری مسئله قالدیرمیشدیلار کی، داغلیق قاراباغ آزربایجاندان آیریلسین، ائرمنیستانا وئریلسین و بیزیم خالقیمیزین بلالاری او گونده ن باشلادی. اوندان سونرا داغلیق قاراباغدا قانونسوز خصوصی ایداره ائتمه کومیته سی یارادیلدی، قاتی ائرمنی پرست بیر اینسان اورا رهبر تعیین ائدیلدی و گئرچک تقدیرده اولاراق داغلیق قاراباغین آذربایجاندان قوپاریلماسی اوچون زمین یارادیلدی. او واختکی آزربایجان رهبرلیغی افسوسلار کی، ساده جه اولاراق بوتون بو تهلوکه لی حادیثه لره تاماشا ائدیردی. سس قالدیرا بیلمدی، جسارت گوسترمه دی، ساده جه اولاراق باشینی سالیب آشاغی موسکووادان نه دئییردیلر اونو دا ائدیردی. چونکی او واخت آزربایجانا رهبرلیک ائده ن آداملاردا بیر قرام آزربایجان قانی یوخ ایدی، آزربایجانلی ساییلسالاردا، بیر قرام میللی روح یوخ ایدی، میللتلر آراسی دونیا وطنلی اینسانلار ایدی، هئچ آذربایجان تورکجه سینده دوز _ عمللی دانیشا بیلمیردیلر. داغلیق قاراباغین تاریخی بودور و اوندان سونرا آزربایجانا قارشی گئنیش میقیاسلی حربی عملیاتلار باشلامیشدیر، تورپاقلاریمیز ایشقال آلتینا دوشموشدور. 1992 _ اینجی ایلین مای آییندا شوشا و لاچینین ایتیریلمه سی، 1993 _ اینجی ایلین آپرئلینده کلبجرین ایشقال آلتینا دوشمه سی داغلیق قاراباغلا ائرمنیستان آراسیندا جوغرافی باغلانتی یاراتدی. حالبوکی بو باغلانتی یوخ ایدی. داغلیق قاراباغ موختار ویلایتینین ائرمنیستان جمهوریتی ایله سرحددی یوخ ایدی.
باخ بو فاجیعوی حادیثه لر سانکی یئنی گئرچکلیق یارادیردی. اوندان سونرا بو مسئله نی بین الخاق واسیطه چیلر اوز اوزه ریلرینه گوتوردولر، 1992 _ اینجی ایلده مینسک قروپو یارادیلدی. مینسک قروپونون فعالیتی گوز قاباغیندادیر. مینسک قروپونا هم صدرلیک ائده ن اولکه لر موعیین موددتده ن سونرا گئرچک تقدیرده اولاراق بوتون صلاحیتلری اوز اللرینده جعملشدیردیلر، آلین یازیسی اولاراق بو مسئله نی اینحیصارا گوتوردولر، گئرچک اولاراق مینسک قروپو بیر قروپ کیمی ایفلیج وضعیته دوشدو و اوچ اولکه بو مسئله ایله مشغول اولماغا باشلامیشدیر. آمما بونون نتیجه سی اولدو مو؟ اولمادی. بیزیم اوچون اولمادی، ائرمنیستان اوچون اولدو. ائرمنیستان ائله بو نتیجه نی ایسته ییردی کی، داییم دانیشیقلار گئتسین، داییم بیزیم باشیمیزی آلداتسینلار، دوندورولسون بو مسئله، ابدی قالسین اسارت آلتیندا بیزیم تورپاغیمیز، ابدی قالسین ایشقال آلتیندا بیزیم تورپاغیمیز. بس، ندیر مینسک قروپونون فعالییتی؟ ایشقالچییا تزییق ائده بیلدی می؟ یوخ! ترییق ائتمک ایسته ییب می؟ یوخ! دفعه لرله من اونلارین قارشیسیندا مسئله قالدیرمیشدیم: اگر مسئله نین حللینی گورمک ایسته ییرسینیزسه قاداغالار تطبیق ائدین ائرمنیستانا. سیزین الینیزده دیر. سیز بیرلشمیش میللتلر تشکیلاتینین تهلوکه سیزلیک شوراسینین داییمی عوضولریسینیز، ایسته نیلن مسئله نی حل ائده بیلرسینیز. خصوصیله بو اولکه نین رسمی نوماینده لری دئییرلر کی، بو مسئله ده اونلارین فیکری اوست _ اوسته دوشور. او دا ماراقلی بیر مسئله دیر. نئجه اولور، بوتون باشقا مسئله لرده _ نووعه( اتمی ) سیلاحلاری ایله باغلی، یاخین شرقده اولان وضعییتله باغلی، آسیادا اولان وضعییتله باغلی، آوروپادا اولان وضعیتله باغلی بونلارین ماراقلاری دابان _ دابانا ضیددیر. هانسی باشقا مسئله لرده بونلارین ماراقلاری اوست _ اوسته دوشور؟ هئچ بیر مسئله ده. آنجاق داغلیق قاراباغ مسئله سینده. نه اوچون؟ هر کس باشا دوشور. چونکی بو دوندورولموش وضعییت طبیعی کی، بو اولکه لر آراسیندا بیزده ن باشقا هر کسی قانع ائدیردی، ایلک نووبه ده، ائرمنیستانی قانع ائدیردی.
ائرمنیستان بو تورپاقلاردا قانونسوز مسکونلاشما آپاریر. بیر سوز دئییه ن وار؟ یوخدور! بو، جینایتدیر، بین الخالق جینایتدیر، (( ژنوره )) کونوانیسییالارینا ضیددیر. بیر سوز دئییه ن وار اونلارا کی، سن نییه قانونسوز مسکونلاشما آپاریرسان؟ اوزو ده بونو نوماییش ائتدیریرسن. عرب اولکه لرینده ن ائرمنیلری گتیریرسن، یئرلشدیریرسن، او جومله دن شوشادا. بیر سوز دئییه ن یوخدور. بو، نه دئمکدیر؟ او دئمکدیر کی، دوام ائله، گتیر، نه قده ر ایسته ییرسن گتیر، بو تورپاقلاری ائرمنیلشدیر، آذربایجان مدنی ارثینی سیل. بو ایدی مئساژ. یوخسا، بو اوچ اولکه مگر ایمکانلارا صاحیب دئییل کی، تجاووزکارا اوز یئرینی گوسترسین؟ ایسته میردیلر. بو اولان دوروم اونلاری قانع ائدیردی. اونا گوره، مینسک قروپونون فعالییتینه باشقا قیمت وئرمک اولماز. ائله بیل، بیزی بو وضعییتله باریشماغا سوروکله ییردیلر کی، یئنی دوروم یارانیبدیر، سیزده بو دوروملا حئسابلاشمالیسینیز. بیز یئنی بیر گئرچکلیک یاراتمیشیق. ایندی هر کس یئنی گئرچکلیکله حئسابلاشمالیدیر. آمما بیز نه یی گوروروک؟ بیز اوز تورپاقلاریمیزی ایشقالچیلاردان آزاد ائتمه یه باشلایاندا، گورون، نه لر باش وئریر. نه قده ر بویوک تزییق گوستریرلر آزربایجانا، هر طرفده ن. ال _ آیاغا دوشدولر. بس، نه اولدو؟ اییرمی سککیز ایل بو مسئله نی بئله سوروندوره _ سوروندوره ائله بیل کی، حل ائدیردینیز. گلیب _ گئتمک، اورادا گوروش، بورادا گوروش، بورادا دانیشیقلار. بیز بو دانیشیقلاردان بوغازا ییغیلمیشیق. بو دوشمنله نه قده ر دانیشیقلار آپارماق اولار؟ اوزو ده دوشمن هارینلاشیر، آزغینلاشیر، قودورور و بیزه دئییرلر کی، یوخ، آنجاق صولح یولو ایله، بونون حربی نوسخه سی یوخدور. کیم دئییر کی، یوخدور؟ بس، نه ائدیریک؟ بیز بیرلشمیش میللتلر تشکیلاتینین تهلوکه سیزلیک شوراسینین قطعنامه لرینی تک باشینا یئرینه یئتیریریک. حالبوکی بو، بیرلشمیش میللتلر تشکیلاتینین تهلوکه سیزلیک شوراسینین وظیفه سیدیر. بیز تک باشینا ایجرا ائدیریک. بیز یئنی گئرچکلیک یاراتمیشیق. حئسابلاشین! آنجاق نه گوروروک؟ اورادا گوروش، بورادا گوروش، آتشکس بئله اولدو، آتشکسی کیم پوزدو. دئمه لی، بونلارین بوتون فعالییتی ایندی ائرمنیستانی خیلاص ائتمکدیر. تجاووزکاری، خوجالی سویقیریمینی توره ده نی، گنجه نی ائرمنیستان اراضیسینده ن باللیستیک راکتلرله بومبالایانی. بودور، بو فعالییت. آتشکس رئژیمینه گلدیکده، آیین 10 _ دا بیرینجی دفعه آتشکس قووه یه میندی. منیم مووقعییم ائله ایدی کی، بو، اینسان سئوه ر اوزه للیی داشیمالیدیر و هلاک اولانلارین جسدلرینین، گیروولارین، اسیرلرین ده ییشدیریلمه سی اوچون بیز بونا راضیلیق وئرمیشیک. آنجاق ائرمنیستان بیر گون کئچمه میش بو آتشکسی کوبودجاسینا پوزدو، اوزو ده نامرد شکیلده، گئجه واختی
گنجه نی بومبالادی. اوندان سونرا اوکتیابرین 17 _ ده یئنی آتشکس اعلان اولوندو. یئنه ده ایکی دقیقه دن سونرا ائرمنیستان بونو پوزدو. ایندی بو گون سحر ساهات 8 _ ده ن یئنی بیر تکلیف وئریلدی. آنجاق سحر 9 _ دا آرتیق من ماراقلاندیم، بیر نئچه دقیقه کئچمه میش آتشکس ائرمنیستان طرفینده ن پوزولدو، ترتر رایونونا یئنه ده آتش آچیلدی. آنجاق من یئنه ده گوستریش وئرمیشه م،
هله کی، آذربایجان اوردوسو اوزونو تمکینله آپارسین، تخریباتا اویماسین. منیم مووقعییم خالقیما بللیدیر. بو مسئله اوز حللینی تاپمالیدیر، یا حربی یولو ایله، یا صولح یولو ایله. من تکلیف ائتمیشه م کی، اگر ایسته ییرسینیزسه صولح یولو ایله حل اولونسون، یاخشی، بیز دایاندیراق. آنجاق درحال بیزه دئییلمه لیدیر کی، ائرمنیستان بیزیم تورپاقلاریمیزدان چیخیر. جدول وئریلمه لیدیر _ نئچه گونده ن سونرا بو رایوندان، نئچه گونده ن سونرا بو رایوندان، نئچه گونده ن سونرا بو رایوندان چیخمالیدیرلار. جدول وئریلمه لیدیر. ائرمنیستان بو جدولی وئریب؟ وئرمه ییب. بئله اولان حالدا اگر آتشکس دوام ائده جکسه و یئنه ده مسئله دوندورولموش وضعییتده قالاجاقسا بو، بیزی قانع ائده بیلمز. بو، بیرینجیسی.
ایکینجیسی، بیزده دقیق معلومات وارکی، ائرمنیستان دویوش مئیدانیندا آرتیق بیزیم قاباغیمیزدا دیز چوکوب و ساده جه اولاراق، آتشکسده ن ایستیفاده ائدیب اوز قووه لرینی یئنه ده سفربر ائتمک ایسته ییر، یئنه ده سیلاحلانماق ایسته ییر و بیزه قارشی یئنی ایشقالچیلیق سیاستی آپارماق ایسته ییر. بئله معلوماتلار وار و افسوسلار اولسون کی، سون بیر آی عرضینده ائرمنیستانا کوتلوی صورتده سیلاحلار گونده ریلیر، موختلیف نووع سیلاحلار. بوتون سیاهیلار بیزده وار. اونلارین بعضیلری بیزیم مطبوعاتدا دا درج ائدیلیب. بوتون سییاهی وار، نه واخت، هانسی طییاره گلیب، هارایا گلیب، نه یی گتیریب، نئجه بوشالدیب، هارایا گونده ریلیب؟ یاخشی، آتشکسی ایسته ین نییه سیلاح گونده ریر ائرمنیستانا؟ آخی، ائرمنیستان دیز چوکوب، آرتیق اونون باشیندان ائله وورموشوق کی، آییلا بیلمیر. ائرمنیستانین باش ناظیری _ جیدیر دوزونده سرخوش وضعییتده رقص ائده ن، اوزونو بویوک سرکرده کیمی آپاران ایندی ییخیلیبدیر اونون _ بونون آیاغینین آلتینا کومک ایسته ییر، ایمداد دیله ییر، اوزونو آلچالدیر، خالقینی آلچالدیر. یاخشی، سیلاح وئرمه یین قورتاراق دا. وئرمه یین. بیزه کیم وئریر؟ هئچ کیم وئرمیر. وئرمه یین. ایسته ییرسینیزسه قورتارسین، سیلاح وئرمه یین. ایکی گونده ن سونرا گله جک یالوارا _ یالوارا. بیر طرفده ن آتشکس دئییلیر، دیگر طرفدن اونلارا سیلاح گونده ریلیر. بو، نه مسئله دیر؟ بیز بونا سسیزمی قالاجاغیق؟
آذربایجان خالقی هر شئیی بیلمه لیدیر. من جمهورباشقانی کیمی 17 ایل عرضینده هر زامان آذربایجان خالقینا حقیقتلری دئمیشه م، هر زامان. مونتظم اولاراق خالقا حئسابات وئرمیشم، بوتون مسئله لرله باغلی. بو گون ده معلومات وئریره م، بلکه ه تام معلومات دئییل. چونکی موعیین دیپلوماتیک قایدالار وار. آمما نه یی دئمک مومکوندورسه، اونو دئییره م، هم آزربایجان خالقینا، همده بوتون دونیایا. ائرمنیستانی خیلاص ائتمک ایسته ییرسینیزسه، دئیین کی، چیخسین تورپاغیمیزدان، درحال رد اولسون! شوشادا، جیدیر دوزونده سرخوش وضعییتده اوینایان او تلخک بیان ائتسین کی، چیخیرام. یوخسا، گونده بئش _ آلتی دفعه دونیا لیدئرلرینه زنگ ائتمکله مسئله دوزه لمز. بیزیم مووقعییمیز ده ییشمز اولاراق قالیر و بیز حاققی، عدالتی مودافیعه ائدیریک.
من بیر مسئله نی ده بیلدیرمک ایسته ییرم. موناقیشه نین حللی اوچون حوقوقی بازا( ساحه ) کیفایت قده ر گئنیشدیر. بیز بو بازانی گئنیشلندیرمیشیک. بو گون تکجه بیرلشمیش میللتلر تشکیلاتی تهلوکه سیزلیک شوراسینین قطعنامه لری یوخ، دیگر سندلر موجوودور. بیرلشمیش میللتلر تشکیلاتی باش آسسامبلئیاسی قطعنامه قبول ائدیب، قوشولماما حرکاتی، ایسلام امکداشلیق تشکیلاتی، آوروپا پارلامئنتی، دیگر تشکیلاتلار. آوروپا ایتتیفاقی ایله پارافلانمیش سندده اولکه میزین حاکمیت حاققی، سرحدلریمیزین توخونولمازلیغی و اراضی بوتوولویو حاققیندا خصوصی موددعا وار. یعنی، بو، حوقوقی بازادیر و بو بازا ایمکان وئریر کی، بو گون بیز دویوش مئیدانیندا دوشمنه درس وئره ک، قوواق اونلاری، ردد ائده ک بیزیم تورپاقلاریمیزدان. آمما باخین، بو یاخینلاردا نه لر باش وئریر؟ مینسک قروپونون همصدر اولکه لری بیرلشمیش میللتلر تشکیلاتینین تهلوکه سیزلیک شوراسینین ایجلاسینی چاغیریرلار. بیر دفعه آرتیق بونو ائتمیشدیلر. اورادا قبول ائدیلمیش سند گورونور کی، اونلاری قانع ائتمه دی. بو دفعه ده بیر نئچه گون بوندان اوول بیز یئنی سندین اورتایا چیخماسینی گوردوک، خبر توتدوق. درحال بیز حرکته کئچدیک و بو سندین قبول ائدیلمه سینه ایمکان وئرمه دیک. باخمایاراق کی، اوچ همصدر اولکه بیرلشمیش میللتلر تشکیلاتینین تهلوکه سیزلیک شوراسینا عوضو اولان دیگر اولکه لره بویوک تزییقلر ائدیرد .نه ایدی بونون مقصدی؟ مقصدی چوخ آیدیندیر، 1993 _ اینجی ایلده ائرمنی سیلاحلی قووه لرینین تورپاقلاریمیزدان چیخاریلماسی باره ده قبول ائدیلمیش قطعنامه لر کولگه ده قالسین اونلار آرخادا قالسین، اونلار یا قووه ده ن دوشسون، یادا کی، اوز اهمییتینی ایتیرسین. بو ایدی مقصد. بو، نه درجه ده عدالتلی دیر؟ بیز یئنه ده ایشقالچییا دستک گوستریلمه سی جهدینی گوردوک. آمما نه اولدو نتیجه؟ کئچمه دی. نئجه کئچمه ی؟ قوشولماما حرکاتینا عوضو اولکه لر کیشی کیمی بونا ایمکان وئرمه دیلر، بیزه دستک گوستردیلر، ساغ اولسونلار. باخمایاراق کی، اونلارا تزییق گوستریلدی، بلکه ده هده لر اولدو. آمما دوردولار کیشی کیمی بیزیم آرخامیزدا، نئجه کی، بیز اونلارین آرخاسیندا دوروروق. بو اونو گوستریر کی، کئچمیه جک. منیم عزیز قارداشیم، تورکییه جمهوریتینین جمهورباشقانی دفعه لرله دئییب کی، دونیا 5-ده ن بویوکدور. تام حاقلیدیر. باخ، بو سس وئرمه اونو گوستردی. بیرلشدیلر، یئنه ده ائرمنیستانین ماراقلارینا جاواب وئره ن سندی اورتالیغا آتدیلار، آمما کئچمه دی. چونکی عدالت وار. نه قده رده بو عدالتی پوزسالار دا، نه قدر بو حاققی یئره وورسالار دا، یئنه ده عدالت وار. عدالت و بین الخالق حوقوق بیزیم طرفیمیزده دیر. اونا گوره بیز یولوموزو دوام ائده جییک. آتشکس ایسته ییرلرسه، ایشقالچی دوولته دئسینلر ردد اولسون، چیخسین تورپاقلاریمیزدان. یوخسا آخیرا قده ر گئده جییک، آخیرا قدر ، سونا قدر گئده جییک. دوشمنی بوندان سونرا دا قوواجاغیق، نئجه کی، قووروق، نئجه کی، قاچیر بیزیم قاباغیمیزدان و قاچاجاق. چونکی بیز حاقلییق و بیز گوجلوییک.
من سون بیر نئچه ایل عرضینده دئمیشدیم کی، دونیا آرتیق اوولکی دونیا دئییل. گوج عامیلی اون پلانا چیخیر و بونو بیز ائتمه میشیک. باخین، گورون ایندی بویوک دوولتلر بین الخالق حوقوقا محل قویورلارمی؟ خئیر. بیرلشمیش میللتلر تشکیلاتینین تهلوکه سیزلیک شوراسینا محل قویورلارمی؟ خئیر. ایسته دیکلرینی ائدیرلر، هره اوز یئرینده، اوز طرفینده، بیری اورا گیریب، بیری بورا گیریب، بیری هانسیسا اراضینی بولور. بین الخالق حوقوقدان اثر _ علامت یوخدور. بیز اوندا بونو نییه مودافیعه ائتمه لییک؟ حالبوکی، بیز مودافیعه ائدیریک، بین الخالق حوقوقون کناریندا هئچ بیر آددیم آتمیریق. ائرمنیستان تورپاغینا گیرمیریک، بین الخالق بیرلیک طرفینده ن تانینمیش تورپاقلاریمیزی برپا ائدیریک. اگر بیرلشمیش میللتلر تشکیلاتینین تهلوکه سیزلیک شوراسینین داییمی عوضولر، مینسک گروپونون همصدرلری بونو ائده بیلمه ییبلرسه، چکیلسینلر کنارا، مانع اولماسینلار. ائرمنیستاندان فرقلی اولاراق بیز هئچ کیمدن کومک ایسته میریک. مانع اولماسینلار و آزربایجان خالقینین صبری ایله اویناماسینلار. صاباح بو موحاریبه قورتاراجاق، بیز ایسته دییمیزه ناییل اولاجاغیق. بس، نئجه اولاجاق بیزیم موناسیبتیمیز؟ آذربایجان خالقی بو حاقسیزلیغی اونوداجاق می؟ اونوتمایاجاق. بونو بیر فیکیرلشسینلر. آذریایجان ایندی او دوولت دئییل کی، اونون ماراقلارینی کیمسه کنارا قویا بیلر. خئیر. گون گله جک، گله جکلر خوهیشلرله، تکلیفلرله، امکداشلیق تکلیفلری ایله. بس، هانسی اوزله بیزه باخاجاقلار؟ بو گون بوتون ایمکانلاری سفربر ائدیبلر بیزه قارشی. من بیر آی بونا دوزوردوم، بیر آی. دئمیردیم بونلاری، ییغیلمیشیق بوغازا. بو، بیرینجیسی.
ایکینجیسی، واسیطه چی طرفسیز اولمالیدیر. بیطرف دئییلسه، گئتسین اوز نامزدلیینی گئری گوتورسون. واسیطه چی طرفسیز دئییلسه، او، واسیطه چی اولا بیلمز. ایندی واسیطه چی
اولکه لر گره ک یئنی بیر گوره و و عوهده لیک فیکیرلشسینلر، نه ایله مشغول اولاجاقلار؟ ایندی آرتیق بئش رایونون آزاد ائدیلمه سینده ن دانیشا بیلمزلر، هانی 5 رایون، بیزده دیر اونلارین آرتیق 4 _ و. او مسئله آرتیق گئتدی. قورتاردی گئتدی. اوزوموز گوتورموشوک _ فوضولی، زنگیلان، جبرائییل، قوبادلی. بو رایونلارین بویوک حیسسه سی بیزده یر. کئمیش هادروت _ ایندیکی خوجاوند رایونونون بیر حیسسه سی بیزده دیر. اونا گوره فیکیرلشسینلر.
بیز دانیشیقلارین علیهینه دئییلیک. دونن آمریکادا باش وئره ن دانیشیقلار نتیجه سینده قرارا گلیندی کی، بیر نئچه گونده ن سونرا آزربایجان و ائرمنیستان خاریجی ایشلر ناظیرلری (( ژنوره ده )) گوروشه جکلر. من اعتیراض ائتمیره م، گوروشسونلر. بو، 28 ایل عرضینده او قده ر معناسیز گوروش اولوب کی، بیری آرتیق، بیری اسکیک فرق ائتمز. من دئمک ایسته میره م کی، بو گوروشه معناسیز گوروش کیمی باخیرام. یوخ بیز ایسته ییریک کی، بونون معناسی اولسون. آمما بو معنا گره ک موناقیشه نین حللینی تئزلشدیرسین. ائرمنیستانین هاوادارلاری، سیزه دئییره م: بو ساختا دوولتی خیلاص ائتمک ایسته ییرسینیزسه، دئیین کی، چیخسین. بیر سوزونوزله چیخا بیلر، بیر سوزونوزله. اگر ائرمنیستانا مالییه، ایقتیصادی، حربی، سیاسی دستک وئریلمه سه، اونلار آیاق اوسته دورا بیلرمی؟ یوخ. من ایندی آزربایجان خالقینا بعضی معلوماتلاری وئره جه یم، بیز اونلارین نه قده ر تئخنیکاسینی محو ائتمیشیک. هر کس حئسابلایا بیلر، اینترنته گیره بیلر، باخسین او تئخنیکانین قیمتینه و سووال وئرسین. هاراداندیر بو پول کاسیب، یوخسول اولکه ده؟ چتینلیکلر و موشکوللر ایچریسینده چابالایان بیر اولکه ده هاراداندیر بو پول؟ نه قده ر محو ائتمیشیک، یئنه ده گتیریرلر. عیبی یوخدور، گتیرسینلر، اوزلری بیلر.
ایندیکی مرحله ده بیزیم مووقعییمیز بوندان عیبارتدیر و بیز حاضیریق کی، بو مسئله حربی _ سیاسی یوللارلا حل اولونسون. آتشکس دئییبلر، عیبی یوخدور، قوی اولسون. ائرمنیستان بونو پوزوب، هر بیر پوزونتونو بیز قئیده آلیریق، هر بیر. تاپشیریق وئرمیشه م، قئیده آلینیر، درحال آوروپا تهلوکه سیزلیک امکداشلیق تشکیلاتینین _ نوماینده سینه و آتشکسده ماراقلی اولان دیگر اولکه لره گونده ریلیر کی، باخسینلار، ائرمنیلر آتشکسی نه قده ر پوزوبلار. بیزده بوتون معلوماتلار وار. حربی _ سیاسی حلل یالنیز آذربایجانین اراضی بوتوولویونون برپاسی مسئله سینی گئرچکلشدیرمه لیدیر.
او کی قالدی، بیزیم دده _ بابا تورپاقلاریمیزا 200 ایل بوندان اوول کوچورولموش ائرمنیلرین گله جه یینه، من دئمیشه م کی، اونلار دا بیزیم وطنداشلاریمیزدیر. اونلاریندا جانی بو خونتا و حربی حوکومتده ن قورتاریلمالیدیر. اگر اوزلری جانلارینی قورتارابیلمیرلرسه، بیز اونلارا کومک گوستره جه ییک. ایندی ائرمنیستانین یئنی حوکومتی پاشینیانین سیماسیندا دئمیردی کی، ائرمنیستانی ایداره ائده ن آداملار جینایتکاردیر؟ من ده اونو دئییردیم. بس، نئجه اولدو؟ پاشینییانا قده ر 20 ایل اولکه نی ایداره ائده نلر جینایتکاردیرسا، بو اولکه ندیر؟ جینایتکار اولکه دیر. اونلار _ ایکی کئچمیش جمهورباشقانی هم قاراباغدا حربی حوکومت باشچیسی اولوبلار، سونرا ایسه ائرمنیستانا رهبرلیک ائدیبلر. هر ایکیسی حاققیندا جینایت ایشی آچیلیب. جینایتکاردیرلار، قاراباغدا یاشایان ائرمنیلرین قانینی ایچیردیلر. هاراداندیر بونلاردا بو قدر مال، دوولت، واریدات؟ هارادان؟ ائرمنی خالقینین قانینی سوراراق الده ائدیبلر. بیر داها دئییره م، داغلیق قاراباغدا یاشایان ائرمنیلر بیزیم وطنداشلاریمیزدیر. آذربایجان خالقی دا دوزوملو و خوش گورولو خالقدیر. او اینسانلارین گوناهی یوخدور. کیمین گوناهی وار، او جاواب وئریر و من دئمیشم کی، آزربایجان خالقینین قانی یئرده قالمایاجاق و قالمیر. خوجالی سویقیریمینی توره دن جینایتکارلار سون بیر آی عرضینده کی دویوشلرده آرتیق محو ائدیلدی. عدالت ظفر چالدی. اونا گوره بیر داها مووقعییمی بیلدیرمک ایسته ییره م، بیز موطلق بو تورپاقلارا حربی_ سیاسی یوللارلا قایداجاغیق. حربی مرحله بو گون باشا چاتا بیلر. بیز مسئله نی سیاسی یوللارلا حلل ائده جه ییک. آذربایجانلیلار قاییدیر شوشایا، آزربایجانلیلار قاییدیر خانکندییه. اووللر یاشادیغیمیز بوتون باشقا یئرلره قاییدیر. ائرمنی اهالی اوچون شراییط یارادیلیر، یاواش _ یاواش بیر یئرده یاشاماغی اویره نمه لییک، هم اونلار، هم ده بیز. من مسئله نی بئله گوروره م و منیم بو یاناشمام هم اخلاقا، هم بین الخالق حوقوقون نورمالارینا اساسلانیر. ائرمنیستان ایسه ایسته ییر کی، بیزی اورادان قووسون، اوندان سونرا میللی ائتنیک تمیزلمه آپارسین، بیزیم آبیده لریمیزی ائرمنیلشدیرسین، خاریجده ن ائرمنیلری گتیرسین اورایا. بس، جبراییله یول چکیردین، پاشینیان؟ نه اولدو؟ هانی بو یول؟ بس، شوشادا پارلامئنت بیناسی تیکیردین؟ نه اولدو او؟ جهننمه گئتدی.
من بیر داها دئمک ایسته ییره م کی، بیزی هئچ بیر قووه یولوموزدان دونده ره بیلمز. دویوش مئیدانیندا الده ائدیلمیش اوغورلار دانیشیقلار ماساسیندا دا یئنی گئرچکلیک یارادیبدیر.
ایندی ایسه عزیز خالقیما بعضی معلوماتلار وئرمک ایسته ییره م. سئنتیابرین 27 _ ده ن باشلایاراق بو گونه قده ر ائرمنیستانین محو ائدیلمیش و حربی غنیمت گوتورولموش تئخنیکاسینین بیر حیسسه سینین سییاهیسینی تقدیم ائدیره م. دئمه لی، تانک _ 252 تانک محو ائدیلیب، 53 تانک غنیمت گوتورولوب. توپلام 305 تانکدان ارمنیستان محروم ائدیلیب. آمما هله تانکلاری وار. گورون نه قده ر تانک اولوب اونلاردا. پییادالارین دویوش ماشینی _ 50 - سی محو ائدیلیب، 29 _ ائی قنیمت کیمی گوتورولوب _ جمعی 79 عدد. موختلیف چاپلی توپلار _ 251 _ ائی محو ائدیلیب، 24_ ائی قنیمت کیمی گوتورولوب، جمعی 275. مین آتان _ 61 _ ائی محو ائدیلیب، 45 _ ائی قنیمت کیمی گوتورولوب، توپلام 106. تانک علیهینه واسیطه _ 53 _ ائی محو ائدیلیب. 82 " قراد " قورغوسو محو ائدیلیب. 2 " اوراقان " یاییلیم آتشلی راکت سیستمی، 1 " توس " محو ائدیلیب. زئنیت _ راکت کومپلئکسلری _ 4 " تور " ، 40 _ ئا یاخین " اوسا " ، 4 " کوب " ، 1 " کروق " ، 2 " اس _ 125 " قورغوسو محو ائدیلیب. 6 " اس _ 300 " آتیجی قورغوسو محو ائدیلیب. بیر آشکار ائتمه ایستانسیاسی(دوراجاغی)، بیر لوکاتور. قیمتی بللیدیر. هر کس حئسابلایا بیلر. عملیات تاکتیکی راکت کومپلئکسلری _ ائلبروس، ایکیسی محو ائدیلیب، " توچکا _ او " بیری محو ائدیلیب. یوک آوتوموبیللری _ 231 یوک آوتوموبیلی محو ائدیلیب، اونلاردان 20 _ سی سورسات ایله. 173 یوک آوتوموبیلی حربی قنیمت کیمی گوتورولوب. بیز دوشمنی توپلام یوک آوتوموبیلینده ن محروم ائتمیشیک.
ایندی بیر داها سووال وئریره م. هر دفعه بو سووالی وئریره م و وئرجه یه م. جاواب گه لنه قده ر وئرجه یه م. هاراداندیر بو پول، هارادان؟ موشاهیده چیلر، واسیطه چیلر، سیاستچیلر، ائرمنی پرستلر دئسینلر کی، هارادان گلیر؟ بیزیم پولوموز وار، هر شئی شفاف. نه قده ر پولوموز وار آزربایجان خالقی بیلیر، دونیا بیلیر، هر کس بیلیر. اوز پولوموزلا آلیریق. هئچ کیمده ن ده آسیلی دئییلیک. بو، بورج ایچینده اولان، موفلیسله شن اولکه هارادان آلیبدیر؟ ائرمنیستانین خاریجی دوولت بورجو تخمینا 8 میلیارد دوللاردیر. پول واحیدی ائحتیاطلاری ایسه 5, 1 میلیارد دوللاردیر. اوزو ده بو، سربست وساییط دئییل، بو بانک رئزرولریدیر( زومارلاریدیر ). اونلاردان ایستیفاده ائده بیلمز. اگر ایستیفاده ائتسه، اونلارین دیرناق آراسی پول واحیدی کلله _ مایاللاق گئده جکدیر. کیم وئریب سنه بو قده ر سیلاحی؟ نییه سوروشان یوخدور؟ بو بیر آی عرضینده، دئمک اولار کی، من هر گون موصاحیبه وئریره م. منه سووال وئریلیر کی، تورکییه نین اف _ 16- لاری نه گزیر سیزده؟ من جاواب وئرمکده ن یورولموشام. گئدین آچین، پئیکینیز( اویدونوز ) وار، گورمورسونوز نه گزیر؟ گئدین باخین اف- 16 لاری نئیله ییر، هاوادادیر، یئرده دیر؟ هر کس بیلیر کی، یئرده دیر. اوزو ده تعلیملر اوچون گلیب و موحاریبه باشلایاندا قالیبدیر. تورکییه لی قارداشلاریمیز اونلاری بیزه معنوی دستک وئرمک اوچون ساخلاییبلار. بیر ده کی، اگر بیزه قارشی کناردان تجاووز اولارسا، او اف- 16- لاری گوره جکلر اونلار. یاخشی، ائیرراپورتدا( هاوا آلانیندا ) جمعی 5 - 6 طییاره قالیبدیر. بو باره ده هر دفعه سووال وئریرلر. یاخشی، من بو سوواللارا جاواب وئریره م. آمما ائرمنیستانا دا، سیلاحلاری اونلارا وئره نلره ده سووال وئرین. وئرین بو سوواللاری، نه اوچون سیلاح وئریرسن؟ پولونو وئرمیسن می؟ او سیلاحلاری ایستئحصال ائده ن اولکه لرین وطنداشلاری بیلیرلرمی کی، بیر آی عرضینده اونلارین نه قده ر مالی باتیب؟ بیز اونلارین نه قده ر سیلاحلارینی محو ائتمیشیک؟ بیر نفر قزئته چی بو سووالی وئرمیر منه. ماراقلی دئییل می؟ ماراقلیدیر. عیبی یوخدور. بیز بونا آرتیق اویره نمیشیک کی، بوتون بو ایللر عرضینده آزربایجان حاققیندا ایفتیرالار، یالانلار، اویدورمالار باش آلیب گئدیردی. ایندی خاریجی مطبوعات دا، آذربایجان خالقی دا گورور کی، من بوتون سوواللارا جاواب وئریره م و نئجه لازیمدیر. اونلارین سوییه سینه ده دوشموره م. هئچ واخت. نئجه لازیمدیر جاواب وئریره م ده، سوسورلار دا. چونکی جاواب وئره بیلمیرلر. دئییره م گئت گوزگویه باخ، سن بورادا بیزی ایتتیهام ائتمه یه گلمیسن؟ سووال وئرمیر. ائله بیل کی ساوجی( پروکور _ دادستان ) دیر، ایتتیهام ائدیر بیزی. سن کیمسن کی؟ قزئته چیلره منیم حورمتیم بویوکدور. بونا گوره اوندان ایستیفاده ائدیرلر. من اونلارلا بئله مولاییم طرزده دانیشیرام. آمما بیلیرلر کی، ایسته نیلن فورمادا دانیشا بیلره م اونلارلا. باخ، بودور گئرچکلیک. بیزه قارشیدیر بو گئرچکلیک. آمما بیز گئرچکلیغی ده ییشدیردیک. بو یئنی سییاهیلار بیر داها گوستریر کی، بیز گئرچکلیغی ده ییشدیردیک.
ایندی آزربایجان خالقینین صبیرسیزلیکله گوزله دییی سییاهییلاری بویوک ممنوعییتله و قورور حیسسی ایله خالقیمین دیققتینه چاتدیراجاغام.
بئله لیکله، دونن آزاد ائدیلمیش یاشاییش منطقه لرینین سییاهیسینی دوغما خالقیما چاتدیریرام. زنگیلان رایونوندا آزاد ائدیلمیش کندلر: بیرینجی آلیبئیلی، ایکینجی آلیبئیلی، ربعند، یئنی کند. جبراییل رایونونون آزاد ائدیلمیش کندلری: قووشودلو، سوفولو، داغ ماشانلی، کوردلر، هووسلو، چلبیلر. قوبادلی رایونونون دونن آزاد ائدیلمیش یاشاییش منطقه لری: پادار، افندیلر، یوسیف بئیلی، چای توماس،خانلیق، ساری یاتاق، موللا بورهان و قوبادلی شهری !دونن من آرتیق بو باره ده آذربایجان خالقینا بو سئوینجیلی خبری وئردیم. بیر داها بو شاد خبری بوتون آذربایجان خالقینا چاتدیرماق ایسته ییره م. زنگیلان، جبراییل، قوبادلی رایونونون ساکینلرینه، بو کندلرده یاشامیش ساکینلره خوش خبر چاتدیرماق منیم اوچون بویوک شرفدیر. دوزدور، او کندلرده ن بیر شئی قالماییب. عیبی یوخدور، برپا ائده جییک. آذربایجان خالقینین دا، دوولتینین ده بونا گوجو چاتاجاق. تکی تورپاغیمیز آزاد اولسون. تکی بایراغیمیز ایشقالدان آزاد ائدیلمیش بوتون تورپاقلاردا قالدیریلسین. بیز عسگرلریمیزین، ضابیطلریمیزین جانی _ قانی باهاسینا بو تورپاقلاری آزاد ائدیریک. هم دویوش مئیدانیندا، هم سیاسی سوزجک و موستویده اوزوموزو تصدیقله میشیک، دونیایا تصدیقلمشیک. آذربایجان خالقینی قورورلو خالق کیمی، جسارتلی خالق کیمی، یئنیلمز خالق کیمی تصدیقله میشیک. هئچ بیر تزییق بیزه تاثیر ائده بیلمز. هئچ بیر هده - قورخور بیزی یولوموزدان دونده ره بیلمز. چونکی حاق یولونداییق، یومروق کیمی بیریک. بو بیرلیک ابدیدیر و ابدی قالاجاق!
عزیز هموطنلر، من هله موحاریبه نین ایلک گونلرینده سیزه سوز وئرمیشدیم کی، بیز دوشمنی تورپاقلاریمیزدان قوواجاغیق، سونا قده ر قوواجاغیق. قاراباغ بیزیمدیر! قاراباغ آزربایجاندیر!
11 : 57 آذربایجان جمهورباشقانی، عالی باش کوماندان ایلهام علئیو خالقا موراجیعت ائدیب. جمهورباشقانی؛ ایلهام علئیوین بو گورونتولو دانیشیق چیخیشی، آزربایجان رئپورت خبر سایتیندا یازیلی اولارق یاییملانیبدیر. رئپورت خبر سایتینا گوره، بو موراجیعت AzTV تئلویزیون کانالی واسیطه سیله یاییملانمیشدیر.
آذربایجان جمهورباشقانی و سیلاحلی قووه لرین عالی باش کوماندنی، جناب ایلهام علیئوین؛ آذربایجان خالقینا ائتدیغی بو موراجیعتین، رئپورت خبر سایتیندان، تورکجه نین رسمی و اورتاق لاتین الیفباسیندان، گونئی آزربایجان تورک یوردوندا ایشله نیلن تورکجه عرب الیفباسینا، ((آلپ اره ن )) طرفینده ن کوچورولوبدور.
"" آلپ اره ن ""
آذریایجان اولکه سی جمهور باشقانی، جناب ایلهام علیئوین آزربایجان خالقینا موراجیعتی