۳۳ - بابک قایېت تئز قالایا

بابک قایېت تئز قالایا

بابک قایېت تئز قالایا
خالقې چاغېر سن هارایا
یاردېمچې اۏل بو یارایا
مۏللالار خالقې تالادې

خالق اۏولاندې دین یاغېنا
عرب دینی بایراغېنا
سریلدی ظۆلم آیاغېنا
ایران خالقېن دین جالادې...

خالقېم گلیر بَ ذ قالایا
ظۆلۆم چېخېب عرش أعلایا
میللت دۆشۆب دۆز چالایا
خالقېمېزی غم یالادې

کؤله اۏلدوق بیز یادلارا
خالقېم قالېب پیس حاللارا
غئیرت گئتدی هارالارا؟
بیز تۆرکلری یاد دۏلادې

ظۆلمۆن ائوی برباد اۏلسون
یوردوم گَرَک آزاد اۏلسون
وطن گؤرۆم آباد اۏلسون
اۆرَکلرده درد قالادې

دیلیم اۏلوبدور قاداغا!
خالقې باسېرلار دوستاغا!
نه یاتېبسان دور آیاغا!؟
اۆره‌ڲیمی درد دالادې

 ۱۳قۏرا پیشیرن آیې (تیر) ۱۳۹۷