۱- ای آزربایجان
ای آزربایجان
ای آزربایجان[۱]
سنه اۏلسون جانېم قوربان
سن منیم وطنیم، یوردوم یووام
نئجه آیرېلسېن سندن ائل-اۏبام؟
سنده من دۏغولدوم، گؤز آچدېم وطن
سنده من بۆدره‌ییب دیل آچدېم، وطن
ائی آﺫربایجان
ائی آﺫربایجانېم
ائهئییییی... آﺫربایجان
سنه اۏلسون جانېم قوربان
سن منیم وطنیم، سن منیم یوردوم
سندن سۏرگۏن دۆشدۆم بیر یووا قوردوم
سنین وار قۏجا تاریخین
اۏدلار یوردو دؤرد بیر یانین
آلاولانېر هر بوجاغېن!
سن بابک‌لر یوردوسان
اولو خلیل، ممد آرازلار
قوزئیینده ایستیقلالېن موبارک
گۆلۆستان یاراتدې اولو بختییار
گۆنئییندن قالخمیش بالتاجی آراز[۲]:
اۏنون سؤزۆ بو آن بیزه درماندی
:اۏتایې ایله بوتای واحید بیر جاندېر
آدې اۏدلار یوردو آزربایجاندې
ائی آﺫربایجان
ائی آﺫربایجانېم
ائهئییییی... آﺫربایجان
سنه اۏلسون جانېم قوربان
سن منیم وطنیم، سن منیم یوردوم
سندن سۏرگۏن دۆشدۆم بیر یووا قوردوم
سن آلاولار یوردوسان
سؤنمه‌یه‌جَک اۏد کؤزۆن، یاخاجاق دۆشمان‌لارېن
داشناک ائرمنی‌لر‌دن آلاجاق تۏرپاق‌لارېن
هارای‌لارېن گۆنئی‌ده، گؤڲلره یۆکسه‌له‌جک
قوزئیین اۏردوسو دا، امینم دیرچله‌جک
اۏتایې بوتایې آنلامی بیرداها اۏلمایاجاق
بۆتؤو آﺫربایجانیم یئنیدن قورولاجاق
خالقېمېز بیرلَشه‌رک، شن گۆنلر یاشایاجاق
ائی آﺫربایجان
ائی آﺫربایجانېم
ائهئییییی... آﺫربایجان
سنه اۏلسون جانېم قوربان
سن منیم وطنیم، سن منیم یوردوم
سندن سۏرگۏن دۆشدۆم بیر یووا قوردوم
ائهئییییی... آﺫربایجان ائی آنایوردوم.
۱۸ بهمن ۱۳۹۲ ائلدار گونئیلی
[۱] ۱۳۹۲_جی ایلین بهمن آیينين ۱۸-ده ایش یئرینده آذر زئینال اوُون ایفاسيندا آزربایجان ماهنيسينی زومزومه ائدیردیم. بیردن دیققه تیم چکدی کی، اوُخودوغوم سوُزلر ماهنينين سوُزلری دئییل. منیم اوُز اوره ییمدن کئچن موسیقییه اویقون سوُزلردیر. زومزومه بیتدیکده قلمی الیمه آليب سوُزلری قئید ائتدیم، کی بورادا اوُخودوغونوز "آزربایجان" آدلی یازيم اوُلدو.
[۲] گونئی آذربایجانيًن میللی ایستیقلال شاعیری