۳۱ - قاراباغ چاغېرېر بیزی هارایا
قاراباغ چاغېرېر بیزی هارایا
*بیر وطن بۏغولور منده*
بیر من دارېخېر وطنده
*چۏخدان دېر کی بیر کؤهنه اوچوق سَس
منی سَسلر...*
بو نه سَس دیر کی آخې یانقېنې وار؟
چۏخ بؤیۆک حسرتی وار
قارقېشې وار
بو نه سس دیر؟
بو نه های دېر؟
گؤره‌سن باشقا دویان وار بو سَسی؟
آخ...
نئجه سېزلار اۆره‌ڲیم
بو نه اینیلتی ...
بو سېزېلتې ...
جانېما دۆشدۆ گیزیلتی
نه قارانلېقدې بو سس!!!
نه سۏیوقدور ؟
اۆشۆدۆم ...
«عزیزینم قاراباغ
شکی، شیروان، قاراباغ
عالم جننته دؤنسه
یاددان چیخماز چېخماز»
سنی دویدوم،
سنی بیلدیم...
بو سس ...
آنا وطنین پارچالانمېش اۆره‌ڲیندن اوجالېر
ائرمنی تاپداغې آلتېندا قالان تۏپراغېمېزدان گۆج آلېر
سوزالېر...
درد ألیندَن قۏجالېر
قاراباغ شیکسته‌سین شنلیڲیمیزده اۏخوماق'لا
وطنین چاغرېشېنا های-هارای اۏلماز
خۏجالې سۏی قېرېمې...
دۆشمَنین ائتدیڲی باسقېن...
تار-کامان'لا باسېلان تۏپراق آلېنماز
دۆشمَنه حددینی بیلدیرمک اۆچۆن
ایلدېرېم تک شاخاجاقسان
یاغېنېن شوم گؤزۆنه
اۏخ اۏلوب سانجېلاجاقسان
قاراباغ تۏپراغېنې
قان وئریب قورتاراجاقسان
قاراباغ اونوتمایېب، اونوتمایاجاق
گؤزۆنۆ یوللاردان آسمېش...
قولاغېنې بیر میلیۏن دیدرگین دۆشَن قۏچاقلارېن
آیاق سسینه یاتېرتمېش
کسین قایېدارلار دئیه
جنّت قۏخولو هاواسېنې...
یام-یاشېل مئشه‌لرینی...
قوتسال تۏپراغېنې...
اؤزگۆرلۆک بوخچاسېندا قۏرویوب ساخلامېش
قاراباغ بیزی چاغېریر:
إ هئی ایڲیدلریم...
إ هئی قۏچاقلارېم...
تۏپراقدان پای اۏلماز
روس، فارس، ائرمنی داشناکلارې
بو دییاردا بختییار اۏلماز
*بیز وطنه صاحاب چېخماساق أڲر...*
وطن بیزه نئجه صاحاب چېخار؟
بو بیزیم تاریخی تۏپراقلارېمېز...
بو بیزیم بابالاردان میراث قالان ثروَتیمیز
*بیز وطن نامینه جان وئرمهلیییک،
قانېمېزدان اۏنا های وئرمهلیییک*
*قاراباغ وطنیمدیر، تۆرکۆن یوردو قالاجاقدېر
اۆچ رنگلی بایراغېمېز، شوشادان آسېلاجاقدېر.*
۲۰ آغلار گؤلر آیې (فروردين) ۱۳۹۵