۳۰ - آراز، ایچیم یانېر بسدیر آغلاتما
آراز، ایچیم یانېر بسدیر آغلاتما
آراز، ایچیم یانېر بس دیر آغلاتما
خزره آخېرسان بیر اۆزۆن یۏلدا
گؤز یاشې سیلینمیر چېخېر باغرېما
وطنیمی بؤلدۆن قالدېن اۏرتادا
ائل دردینی ائشیت بۆتؤو بودوندا[۱]
یوردا چکدین دووار سن اۏرتاسېندا
گئرچک‌لَشدیر اۏنو بۆتؤو یوردوندا
آغلاتدېن میللتی سن آرخاسېندا
یاشاتدېن ائلینی سن آیرېلېقدا
خالقېم آیرې قالېب ایللر اۏ تایدا
باجې قالېب قارداشېندان اوزاقدا!
نیسگیللر قالادېق بیزلر بو تایدا
بو تایدا قالمېشېق ظۆلمۆن آلتېندا
بوردا دیلیم یاساق اۏلوب خالقٻنا
کیملیڲیم تانېنېر فارسېن آدېندا
عېرقېچې فارس، خالقېن دۆشۆب جانېنا
باغېمسيز اۏ تایدا یاراندې گۆلۆن
یاراتمېش اولوموز مممد عمینین
اۆچ رنگلی آی-اولدوز شانلې بایراغېن
تانېنمېش بایراغې اؤز وطنیمین
«میللت دئییر هارای-هارای من تورکم»[۲]
ھايقېرېرلار ايلر بۏيو یوردوندا
شوشا، گنجه، خۏیا وطن دئیه‌رَم
آزادلېق ھارايېن چکیر «ایراندا»
«خالقېم دئییر آزربایجان بیر اۏلسون
باش کندی باکې یا تبریز اۏلسون»
پارچالانمېش یوردوم همن قۏووشسون
ایللر بۏیو آیرېلېغا سۏن قۏیسون.
«آرزې آیېردېلار
سو ایله دۏیوردولار
بیز سیزدن آیرېلمازدېق
زۏرایله آیېردېلا»
چکدیلر بیزه دووار
وئریبدی خالقېم قرار
میللتیم بیرلشه‌جَک
سؤکۆلر کؤهنه دووار
وئریلیب یئنی قرار
قالماسېن کؤهنه دووار
میللتیم آیاقدا دېر
آیرېلېق ایزین پۏزار.
۱۷ بایرام آیې (اسفند) ۱۳۹۴