۲۶ - ظفرلر مارشېنې بابک'لر چالار
ظفرلر مارشېنې بابک'لر چالار
مئدیادا شاعیرلر هرگۆن یازېشېر
بیری-بیرلری'له گؤزل یارېشېر[۱]
اۏ بیری تار ایله ساز'لا چالېشېر
وطنین دورومو هر گۆن قارېشېر
کیمیلری موتلو عئشقدن دانېشېر
ساوا دا، سالماسدا فارسجا سؤیله‌شیر
باتېدا، اورمو، خۏی ماکې کۆردلَشیر
خالقېمېز نئجه تئز فآذری‌لَشیر!
شاعیرلر مئدیادا باخ سرگی لَنیر!
گنجلرین فارسجانې آنجاق اؤرگه‌نیر!
فارسلار بیزی اؤزۆمله‌مه ائدیبلر
تورکلری ایراندا اینکار ائدیرلر
اولوسوم یوخلایېب هوشدان گئدیبلر
وطنه لازېم دېر میللی شاعیرلر
خالقېنا بیلینج'له[۲] بیلگی وئرسینلر
دۏخسان ایل دیر کئچمیشیمیز[۳] سیلینیر
وطن ایله وارلېغېمېز ایتیلیر
اولوسوموز فارس ایچینده کیچیلیر
آیدېن، یاتمېش خالقېن گؤزۆنۆ آچار
گؤزۆ آچېلان خالق، یۏلونو تاپار
اولوسو یوخولادان شاعیر ایزله‌دیر
باشین کهلیک تکین قاردا گیزله‌دیر
ایکی-اۆچ قۏشاقدا فارسا بنزه‌دیر
تۆرک خالقې یئرینده[۴] آذری‌لَشیر
خالقېمېز مکتبده فآذری‌لَشیر
ظفرلر مارشېنې بابکلر چالار
خالقېنا وطنه فیکیرلر قېلار
آیدېن اۏلان خالقېم حاققېنې آلار
بالتاجی آراز[۵] تک بیتیگین[۶] یازار
اولوسون پاسلانمېش قافاسېن آچار
پاسلانېلمېش قافا آچېلسا قانار
اؤزگه‌لر یازدېران تاریخی دانار
وطنه خالقېنا اۆرَکدن یانار
آنایاساسېنې، تاریخین یازار
تاپتالانمېش میللی حاقلارېن یازار
۲۱ خزل آیې (مهر) ۱۳۹۴
[۱] مئدییالاردا، (تئلئگرام و باشقا پروگراملاردا)
[۲] شعور، عرب سوُزو. خالقينی میللیی یوُنده شعورلانديرسينلار
[۳] آستئریا(اطریش آدلانان اوُلکه) ژئنئرالی (M. Montecuccoli) دئییر: تورکلر شوجاعتله اوُلمه یی باجاريب، اوُیره نیب و مننیمده اوُ قده ر تجروبه واريمدير دئیه م کی بومیللت(تورک لر) هئچ بیر زامان تسلیم اوُلماغا قرار وئرمز. من چوُخلو اوُردو تشکیل ائدیب جبهه لره گوُندرمه گه ایمکانيم وار. لاکین تورک لرین قارشيسيندا آجیزه م. تورکلر گئچمیش فخرلرینه گوُره هئچ بیر زامان مغلوب اوُلمازلار. تورک لری مغلوبییته سوروکله مک اوچون یالنيز و یالنيز تاریخلرینی ایتیرمه میز لازیمدیر.
[۴] اوُز وطنینده آزربایجان توُرپاقلاريًندا
[۵] گونئی آزربایجانيًن میللی و ایستیقلالچيً شاعیری
[۶] اثر، عرب سوُزو اوتای-بوتای وطن دیر، اویقارلاش و آذربایجانيً ایستیقلال قورتاراجاق.