۲۵ - کیم اۏلدوغومو من تانېتېم سیزه
کیم اۏلدوغومو من تانېتېم سیزه
دئییرلر دانېشېم دئییم سیز إله
کیمَم، هارالېیام تانېتېم بئله
یومورو تپه*[۱]نی گتیریم دیله
حۆممتلی بابا*[۲]نېن آدېنې سیزه
کندیمیز آدلانېر یوخارې «دیزه»
ائیوانسارا*[۳]میشوُو* داغلار دؤشۆنده
ایستی کئش* قلئیساخ *[۴] آخېر چؤلۆند
سویونو ایچمیشم من بَڲ گؤزۆنده
"دیزه"[۵] کندی آزربایجان بؤلگه‌سی
مرنده میشۏودان دۆشن کؤلگه‌سی
میشۏوا گئدردیک اوشقون درمه‌ڲه
دریب گتیرَردیک ائوده یئمه‌ڲه
هم ده گؤزَل-گؤیچَک داغې گزمه‌ڲه
میشۏودا ایچه‌سن، سرین بوزلو سو
داد وئرَر پئندیری، اوشقون سۏغزوسو
مرند بؤلگه‌سینده وار چۏخلو تپه
میشۏودان آشاغې یومورو تپه
ائیوانسارا بیر ده حۆممَتلی تپه
مرندیم یئرلَشیر داغ دره‌سینده
مئیوه-أت یئیه‌سن باغ زمیسینده
گئدیردیم گزمه‌ڲه تۆرک اؤلکه‌سینده
دانېشېردېم ایران فارس لهجه‌سینده![۶]
اؤزۆمۆ تانېتدېم تۆرکم أصلینده!
سۏردولار هارادا دۏغدون، بو دیلده؟
تۆرکجه‌میز یۏخدور سن دئیَن لهجه‌ده؟؟
اۏلمایا فارسجادا سن دیل آچمېسان؟
ائڲیتیمین[۷] فارس دیلینده آلمېسان
بلکه ده تۆرکجه‌یه فارسجا قاتمېسان !
دئییرلر یارانېب، بیر فارسجا لهجه !
آذری* آدلانېب، اویدورما تۆرکجه
*- فآزری
چالېشدېم دیلیمی تمیز اؤرڲه‌نَم
قاتیل یاد دیلیندن من تمیزله‌نَم[۸]
فارسجادان أل چکیب بلکه سیلکه‌نَم
خالقېمې تۆرکجه‌یه مئییل‌لَندیرم
یازېمې تۆرکجه‌ده گئنیش‌لَندیرم
بیر نئچه ایل بوندان اؤنجه قلمی
أله آلدېم یازام کدر-غوصّه‌می
اۆرۆنۆ[۹]اۏلوب‌دېر یوردومون غمی
خالقېما تانېدام میللی حاق‌لارېن
تۏخومو أکیلسین اؤزگۆر باغ‌لارین
اۏرتا گنج[۱۰]یاشېمدا قوربته قاچدېم
وطنی گؤرمه‌ڲه اؤزلمده[۱۱]قالدېم
غوربتده وطنین غمینه یاندېم
قورتولوش یۏلونون سازېنې چالدېم
«ائلدار»ام[۱۲] دۆشۆنجه پایېمې یازدېم.
۹ خزل آیې (مهر) ۱۳۹۴
[۱] دیزه کندینین یوخاريسيندا میشوو داغينا ساری بیر بویوک تپه دیر.
[۲] دیزه کندینین یوخاريسيندا تبریز یولو اوستونده بیر بویوک تپه دیر کی ایندی بو تپه نین اوستونده بیر هوتئل دوزه تیلمیشدیر.
[۳] میشوُو داغی ، حومتلو بابا، یومورو تپه و ائیوانسارا دیزه و دیزج علیا آدلانان یوخاری دیزه کندی کی بو گون مرند بولگه سینین آزاد
اونیوئرسیته سی(دانشگاه آزاد) بو کندده یئرلشیر.
[۴] میشوُو داغی، حومتلو بابا، یومورو تپه و ائیوانسارا دیزه و مرند بولگه سینین یوخاريسيندا یئرله شن داغ و تپه لردیرلر.
[۵] قلئیساخ، ایستی کئش و بی گوزو حومتلو - بابا تپه سینین ساغيندا و سول طرفینده دیزه کندینه آخان چشمه سولاريديرلار.
[۷] دانيشيق شیوه میز فارسلاشيب تورک سوزلرینین یئرینه فارس سوزلری قوللانيلير و ............
[۸] زورلا مکتبلرده ائییتیم اوچون تحمیل ائدیلمیش بیگانه فارس دیلی
[۸] اولاناق ایچینده( ایمکان داخیلینده) باجارديغيم قده ر
[۹] محصول، عرب سوزودور
[۱۰] ایگیرمی یئددی یاشدا
[۱۱] حسرتده، عرب سوزودور
[۱۲] ائلدار گونئیلی آدی ایله تانؽنان یۉنس محمد علی اوْغلو، حمزه نوه سی ۱۳۳۸- جی ایلین تیر آيؽنؽن اوْنۆچۆنده گونئی آزربایجانؽن، مرند بؤلگسینده یئرلشن "دیزج علیا" آدلانان یۉخاری دیزه کندینده دۆنیایا گؤز آچدؽم، اوْرتا تحصیلیمی دوْغما دیزه کندینین « ساسان، همام »اوْخۉللارؽندا و مرند شهری نین واقتؽ ایله "محمد رضا پهلوی" آدلانان گیمنازییاسؽندا آبیتۉر آلؽب. بئش ایل تهراندا « مجتمع پزشکی طالقانی» آدلانان طیب فاکۉلتسینده چالؽشؽب، ۱۳۶۵-جی ایلده ن اعتباره ن آلمانییادا مۉحاجیر حیاتی یاشامادا اوتوراق اوْلمۉشام. بیر قؽز ایکی اوْغلان آتاسؽ اوْلاراق، آلمانییادا-
(IT-Networking) اۆزه رینده عالی ائییتیم آلمؽشام.
