۲۳ - وطنیم آزربایجان
وطنیم آزربایجان
وطنیم غئیرتیمدیر
وارلېغې عیزتیمدیر
قوْرویوب تانېتماسې
غورور'لا شؤوکتیمدیر
وطنیم کیملیڲیم‌دیر
کیملیڲیم بایراغېم‌دېر
بایراق ایله یوردوموز
وارلېغېم یاشامېم‌دېر
وطنیم وارلېغېمدېر
وارلېغې حیاتېمدېر
مسکنیم باش تاجېم
خالقې قارداش، باجېمدېر
وطن منه ناموسدېر
وارلېغې غورورومدېر
دۏغدوغو آنا یوردوم
قۏروماسې بۏرجومدېر
وطنیم[۱] دوز'لا یانېر
یاغې سویون باغلایېر
اورمو گؤلۆن آغرېسې
اۆرکلری داغلایېر
داشناکلار[۲] یوردو آلېر
خوْجالؽ اوْددا یانؽر
اینسان سۏیقېرېمېنا
دؤولتلر یاندان باخېر
وطنیم[۳] ایشغالدادېر
وطنداشېم قاچقېندېر
ایشغالچې ائرمنینين
فارس، روس آرخاسېندادېر
وطنیم[۴] ایشغالدادېر
ديليم ياساقلانېبدېر
میللتین اویماسېنا
اۆره‌ڲیم یانماقدادېر
وطنییم مرند[۵] دیم‌دیر
باکې، خۏی تبریزیم‌دیر
آيرې سالمېش آرازېم
شوشا دا، عزیزیم‌دیر
وطنیم همدان‌دېر
اۏنا جانېم قوربان‌دېر
آرازېن ایکی تایې
آدې آزربایجان‌دېر.
۸ قویروق دۏغان آیې (مرداد) ۱۳۹۴
[۱] گونئی آزربایجان (اورمو گوُلو)
[۲] روسلارؽن و فارسلارؽن حیمایه سیله داشناک ائرمنیلر طرفیندن قاراباغ ایشغال اولور و خوُجالی شهرینده بویله بیر سوْیقؽرؽم فاجیعه سی اوز وئریر.
[۳] قاراباغؽمؽز
[۴] گونئی آزربایجاندان صوُحبت گئدیر
[۵] دوغولدوغو یوردوم