۲۰ - مۆسلمان أرکک‌لریمیزین قادېنا دۆنیا باخېشې
مۆسلمان أرکک‌لریمیزین قادېنا دۆنیا باخېشې
نه چاغ نه زمانه سنین یاشامېن؟
اینسانې یارادېب نه‌لر ائدیرسن؟
اوشاق دۏغوب آغرېسېنې چکیرسن
گۆندۆزلر بَله‌ییب وئریرسن دیلک
گئجه‌لر یاتمایېب وئریرسن أمک
ائوله‌نَن زامانې أره گئدیرسن[۱]
اؤزۏنۏ أرینه تسلیم ائدیرسن[۲]
اوشاغې[۳]آتايا ندن وئریرسن؟
قادېن اۏلدوغوندا اۏلورسان آلچاق![۴]
بۏشانان زامانې آلېرسان طالاق![۵]
ائولَندیکده باکیره[۶]قېزسئویرسن
ساواشدا سن آنا باجې سؤیۆرسن
کیشی یه[۷] هر شئیی[۸] سربست گؤرۆرسَن
سۏی-آد گلنده [۹] اؤز آدېن دئییرسن
نه صؤحبتی ائشیت‌لیکدن ائدیرسن؟
ایرث[۱۰]بؤلَنده ایکیسینی[۱۱]یئییرسن
ایکیده بیرینی قېزا وئریرسن
آمما اؤزۆنۆ چوْخ اۆستۆن[۱۲] گؤرۆرسن!
برابر بیر یاشامدا سن دیلرسن!؟
نه صؤحبتی کیشیلیکدن ائدیرسن؟
ایسته‌ینده سن قادېنېن دؤیۆرسن
دؤرد آروادې هم ده حلال گؤرۆرسن
کیشی-کییش اؤزۆنو ده اؤیۆرسن
ألیندَن ده اوشاغېنې آلېرسان
آغلار گؤزله اۏنو یۏلا سالیرسان
اینسان یارانېشېن نسلی‌دیر قادېن
تۏپلوم قورولوشون وصلی‌دیر قادېن
یاشام معناسېنېن، أصلی‌دیر قادېن
قادېن'لا بیرلیڲی آلدېن حیاتدا
قادېنسيز هئچ یۏخدور آدېن حیاتدا
کیشی-قادېن یارانېر بیر جیسیمدن
هئچ اۆستۆن دَڲیل‌دیر بیری-بیریندن
بیر حیات اولوشورهر ایکیسیندن
حیات یۏلداشېما بودور باخېشېم
گؤزل سئوگی یاشامېمدا ناخېشېم.
۲۱ بایرام آیې (اسفند) ۱۳۹۳
[۱] سئچیم حاققؽ یوْخۉندۉر
[۲] قارشؽلؽقلی سئوگیدن خبر یوْخدۉر
[۳] ایسلام یاسالارؽنا گؤره قادؽنؽن طالاق وئرمک حاققؽ یوْخدۉر
[۴] منفی آنلامد،ا چۆنکو مۆثبت کاراکتئرلر هر زامان کیشییه اوْران (نیسبت) وئریلر
[۵] ایسلام یاسالارؽنا گوُره بۉشاندؽقدان سوْنرا اۉشاقلارا آتاسؽ اییه لنر
[۶] اوُز گئچمیشینی گیزله دیرسن
[۷] ارکک لره
[۸] هر پئشه ده ن چؽخماغی
[۹] اۉشاقلارا
[۱۰] میراث
[۱۱] ایسلام یاسالارؽنا گؤره ایرثده ایکی پای اوْغلان، بیر پای قؽز آلار
[۱۲] ارکک لری
[۱۳] برابرلیک
[۱۴] یاشامؽن، آییله نین، دۆنیانؽن