۲۱- باهار گلیر یئنی ایلیز موباره ک اولسون.
باهار گلیر یئنی ایلیز موباره ک اولسون.
بۏران شاختا گئدیر گلیر یازېن گؤزل گۆن‌لری
دۏغا[۱] فصلی دَڲیشیلیر آچېلسېن دۆگۆن‌لری
آغاجلارېن چیچکلری آغ –آپباق سۆنبۆل‌لری
نۏروز گلیر بایرامېنېز موبارک اۏلسون سیزین
ائولرینیز، باغ باخچانېز گۆله‌نیب چیچک‌لَنسین
خالقېمېزېن ذۏوق-مۏرالې داها دا هوس‌لَنسین
منیمسه‌سین باغچاسېنې هم ده کی بنؤوشه‌سین
باهار گلیر بایرامېنېز موبارک اۏلسون سیزین
یئنی ایلده آرزېلارام دۆشمن فیتنه‌سی سۏلسون
آزربایجان میللتینده منلیک غرورو اۏلسون
اؤزگۆرلۆڲه میللتیمیز میللی بیلینجه دۏلسون
بایرامېنېز یئدی ایلده موبارک اۏلسون سیزین
آرزېم بودور قاراباغېم تمامن آزاد اۏلسون
قاچقېنلارېمېز یئنده، همن یوردونا دؤنسۆن
بایرامېن بوندان سۏنرا دۏغما یوردوندا توتسون
اوغوز بایرامېنېز هر ایل موبارک اۏلسون سیزین
آرزېم بودور بیر داها آزربایجان بیر اۏلسون
فارس راسیزمی وطنیمدن، ائل- اۏبامدان قۏوولسون
گۆنئییمده یاز بایرامې[۲]قوزئی ایله دۏغرولتسون
اۏغوز بایرامېنېز هر گۆن موبارک اۏلسون سیزین
عنعنه دیر آشېق چالار تۏی بوساط دا سازېنې
شنلیک ائدیب بۆتۆن عالم چکر اۏنون نازېنې
ائشیدرلر ماهنېسیلا همده شن آوازېنې
اۆزۆنۆز یئنی بایرامدا سئوینج-شنلیکله گۆلسۆن
باهار گلیر یئنی ایلیز موبارک اۏلسون سیزین.
۲۷ بایرام آیې (اسفند) ۱۳۹۳