۱۶ - آزربایجان نه‌لر گئچیر باشيندان؟
آزربایجان نه‌لر کئچیر باشېندان؟
آزربایجان نه‌لر کئچیر باشېندان؟
بورچالېیا؛ آد وئریرلر گۆرجۆستان
قوروه، بیجار تانېدېلېر کۆردۆستان
آرشېن'لا بؤلۆنۆر تۏرپاغېن اۏبان!
آستارا، أنزلی آدلانېر گیلان!
قاراباغ چېخمایېب بوڲۆن ایشغالدان
مینلر'له اینسانېن قالېب سرگردان
آغدام'لا فۆضولی اۏلوب بیابان
یارادیېلار ایکینجی ائرمنیستان
کۆردلرین رؤیاسی بؤیوک کۆردۆستان
اردبیل، همدان قاليب آیريجا
کرج، ساوه اولوب سانکی بیر باغچا
توُرپاقين دوُغرانير پاراملا- پارچا
قزوینی، زنگانی قوروبلار اوستان
آزربایجان آدين پوُزوبلار اوُردان
یابانجی بیر دیلی رسمی سایيًبلار
غئیری فارسېن وحشیلیڲین یایېبلار[۲]
اؤلکه‌نین[۳] آدېنې «ایران» قۏیوبلار
"ایران" آدی ایله فارسلاشدېرېرلار
اؤز وارلېغېندان اوزاقلاشېدېرلار
میللی منلیڲیمی فارسلار دانيرلار
بیز تورکلری "آلچاق" بیر خالق سانېرلار
بوگونکی یوز ایلده گئری قالېب‌لار
بو سببدن حاقلارېمې پۏزورلار!
اؤزلرینه "چاغداش" آدې قۏیورلار!
آزربایجان نه‌لر گئچیر باشېندان؟
۲ قېرۏو آیې (آبان) ۱۳۹۳
