۲ - بالتاجی آراز شاعیرین خاطیره سینه
بالتاجی آراز شاعیرین خاطیره سینه.
آزربایجان سئوگیسی'له بۏیا باشا چاتدېن سن
خالقېنې سئوه-سئوه، اؤزگه دیلین آتدېن سن
بؤیۆک-بؤیۆک آماجلار اۆره ڲینده توتدون سن
وطنین أسارتدن آزاد اۏلماق آماجېن
فارس راسیزمین وطندن کؤکۆن یۏلماق آماجېن...
اۏخولدا اؤزگه دیلین، یۆکله‌دیلر بئلینه
دئدیلر بوندان سۏنرا، دۆشمن اۏل اؤز ائلینه
وطن اۏغلو، غئیرتی بوردا گرک بیلینه...
سن دؤزمه‌دین بو ظۆلمه، شووونیزمی داشلادېن
وطنی قوتارماغا، میللی یۏلو باشلادېن
آنا دیلی گۆجۆ'یله، چاتدې علمین زیروه‌یه
سېنمایېب باش أڲمهدین، پولا، زۏرا، کؤته‌ڲه
تۏپلومدان نهدنلری، سؤکۆب تؤکدۆن أته‌ڲه
فارس دیلینی اؤرگندین، فارسجا دۆشۆنمه‌دین سَن
شووونیزمین ظۆلمۆنه، سوسوب اۆشۆنمه‌دین سَن
اۏخوتدولار، فارس سئون آماجا یۏل اۏلاسان
فارس راسیزیمین پیلانېن چیزمه‌ڲه قول اۏلاسان
آسیمیله اوغروندا، نهدنسیز... رۏل اۏلاسان
سن آزادلېق نغمه‌سین ریتمه چکن تار اۏلدون
یوردونو تیکمَک اۆچۆن بیر گؤزل مئعمار اۏلدون
أللی‌سککیز[1] یاشېندا، بیتدی شرفله عؤمرۆن
سن گئتدین...، اثرلرین پارېلدایېر سانکی گۆن
ایندی أل یازېلارېن آچېر خالقیمدان دۆگۆن
میللی قورتولوش خالقېن ایسته‌دیڲی هدف دیر
وطنین آزادلېغې حۆررییتی، شرف دیر
بابکه بنزر ایڲید، وطن سنی هارایلار
بوتای بالتاجې سَ سلر، آراز دئیه‌ر اۏتایلار[۲]
کیتابلارېن، أل به أل خالق ایچینده یایېلار
سنین گئنیش دۆشۆنجه‌ن اؤزگۆرلۆڲه یؤنَ لدر
یایېلسا بو دۆشۆنجه، گلیشمه‌ڲی دیرچلدر
بوتوُ آزربایجانا، گئدن یۏلو باشلادېن
خالقېمېزا اؤزگۆرلۆک دیله‌گینی آشلادېن
یازېن'لا، آنلایېشېن شکلینی ناققېشلادېن
دئدین: اۏتای'لا بوتای، آیرېلمایان بیر - جان دېر
لقبی اۏدلار یوردو، آدې آزربایجان دېر
قاراباغېن ایشغالېن گتیردین سن گۆنده‌مه
بیر میلیۏن اینسان یانېر بو حسرته بو غمه
اینصافدېمې حاکیملر باش أڲه‌لر بو ظولومه[۳]
یازېلارېن اۏخونوب آنلاناجاق هیملرین
تربیزایله قاراباغی قورتاراجاق کیملرین؟
اویقارلاش- ېن ائی اوستاد، گؤردۆ ایشېق اۆزۆنۆ
گۆنش اۏلدو بو خالقا، آغارتدې گۆندۆزۆنۆ
حاق نه‌دیر؟ حاقلې کیم دیر؟ سن تانېتدېن دۆزۆنۆ
اینسانلارې چاغېردېن چاغداش آیدېن اۏلماغا
اؤز حاقلارېن تانېیېب، ظۆلمۆن کؤکۆن یۏلماغا
گئتدین...، قۏچاق ایگیدلر داوام وئرر یۏلونو
تۆرکچۆلۆڲۆن تانېتدېن، سن ساغېنې سۏلونو
گؤستردین...، ائل باغېنا ضییان ووران دۏلونو
بیر ده دۏغار آنالار وطن اۏغلو ناجیسین؟
میللتیمیز چاغېرېر اؤز اۏغلو بالتاجېسېن
اۏخولونو بیتیردین وطنده چالېشاسان
ائلین غم-کدری'له عؤمۆرلۆک آلېشاسان
یازېب یارتماغېن'لا[۴] دئدین وطن یاشا سن
یادیگار قۏیوب گئتدین، قالدې سندن بیر أثر
اۏخویوب تانېتماساق، خالقیمیز ائدر ضرر.
۸ بهمن ۱۳۹۱ ائلدار گونئیلی
[۱] آرازين سوسمایان سسی، http://www.azadliq.info/32398.html
[۲] گوز یوما...
[۳] ایشغالا
[۴] ۱) اویقارلاش، ۲) اوتای بوتای وطندی ، ۳) آذربایجان آبستن استقلال است، ۴) آزربایجانی ایستیقلال قورتاراجاق