۶ -ائلآلدادېجې اؤندرلر، خالقېنې سؤزده تۏولار
ائلآلدادېجې اؤندرلر، خالقېنې سؤزده تۏولار
ائلآلدادېجې حؤکمدارلار، تنقیدچینی گؤمرلر
آرا سېرا یئره ووروب سَرَر، گاه حبس ائدیب سؤیلرلر
بیری[۱]"فیتنه"، اۏ- بیرلری[۲] «بۏزغاله» آد وئرَرلر
بیری[۳]"خائین"، کیمی‌سیلر[۴]خس و خاشاک[۵] دئیرلر
دیکتاتۏرلوق اۆرۆنۆ خالقې گئری سالماق‌دېر
اینکیشافې، آزادلېغی تۏپلومومدان آلماق‌دېر
کیمی‌لری دیکتاتۏرو، تنقید ائدیب سسله‌ییر
دیکتاتۏرون ظالیم-قاتیل، اۏلدوغونو سؤیله‌ییر
اۏنلارېن کیرلی صیفَتین، خالقا گرچک پیسله‌ییر
اؤزۆمۆزه گلن زامان، حاصار‌سېز یومورتلادېر!
سئومه‌دیڲی تنقیدچینی، او «کمالسېز» آدلادېر!
دیکتاتۏرون اۆرۆنۆ، تۏپلوم گئریده قالماق‌دېر
آزادلېق یۏخ اۆممتچینی، دۏلایېب اۏولاماق‌دېر
اۏولادېغېن پئشینده، بیرداها تۏولاماق‌دېر
گلین بیز ده اؤرڲه‌نیب،، چاغ تۏپلومدا چاغلاشالېم
تنقیدچییه خۏر باخېب، «اخلاق‌سېزدا» سانمایالېم
مئدیالار یایېمېندا ، سؤز تنقیده یئتنده
دار گؤرۆشلۆ دینچی کسیم، دانېشېغې بیتنده
نالا-مېخا ووروب دئییر، تنقیدچینین پئشینده
سۏروملو کسیم اۏخویوب، اؤرڲه‌نیب بیلمه‌لی دیر
چاغېن اینسان حاقلارېنې، بڲه‌نیب سئومه‌لی دیر
آیدېنېم دا پیسله‌ییر، تنقیدچی فیکیرلری
اؤرگندیڲی فئۏدالې، سیستئمین بیلیم‌لری
اولوشدودوب بوجۆره دارگؤرۆش بئیین‌لری
دئییرم کی: ۱۴۰۰ ایل، اۏولاندېق بیز دینله‌دیک
چاغېمېزدا گئری قاليب، نه‌یی بیز منیمسه‌دیک؟
اؤزۆن سایان آیدېنلارېم گؤرۆنۆر بۏش دانېشېر
یایېم‌لارېن سۏنوندا، مۆسلمان'لا ساغۏل‌لاشېر
باشقالارېن«زیر زیبیل»، تنقیدچییه پیس دۏلاشېر!
دئییرم: دارگؤرۆشلۆ، بئیینلی، یۏلدان جایار
ضییالې بیر تنقیدچینی، «یاغي'لا دوشمن» سایار
آیدېن کسیم چالېشېر ، ضییالې‌لاردان دانېشا
کئچمیشده‌کی یازاردان؛ قۏشارلاردان یاپېشا
ائل‌بڲ‌لیک آدېندان تکراراً هئی دارتېشا
چاغېن میللی یازارېنې،[۶] خالقېما بۏیکۏت ائدیر
یایېملاردا جین ایله بسم‌الله‌دان صؤحبت گئدیر
گۆنئیده خالق حاضېرلانېر، دۆشمن ایله چاتېشا
خالقېن حاققې وار تۏپلومدا، فیکیرلر'له یارېشا
بالتاجی تانېتېلمېر، دۆشۆنجه‌سین خالق تارتېشا
گئری قالمېش، ضییالېنې مئدیادا «پاپاخ» سایار
باشقا دۆشۆنن یازارې، دانلایېب «آلچاخ» سایار
ائلآلدادېجې اؤندرلر، خالقېنې سؤزده تۏولار
دۆشۆندۆڲۆ اؤلچۆده، یانلېش یۏللارا یۏللار
کۆتله‌نین گۆوه‌نینی آلېب، حاقېن چؤپه توللار
آديني، دوشونجسین تانېدېرسا پیسی چېخار
بلکه ده تانېتماقدا، یانلېشلارېن ایزی چېخار؟
۲۳ تیر ۱۳۹۲ ائلدار گونئیلی
[۱] آیت الله خامنه ای(ایران آدلانان اوُلکه سینین دینی رهبری)
[۲] مولا احمد خاتمی(تهران شهرینین ایمام جومعه سی)
[۳] حوسئین شریتمداری(کئیهان قازئته سینین باشچيسی)
[۴] ماحميد احمدی نژاد(ایران پرئزیدئنتی)
[۵] زیر- زیبیل(ایران پرئزیدئنتی ماحميد احمدی نژادين دئییشی)
[۶] آرازين سوسمایان سسی Arazın susmayan səsi....Bakı, 28 İyun 2013
"بوُیکوُتچو تورک آرازیزمینی یایماز،
اوُزونو سایمایانی کیمسه سایماز.
(بوُیکوُتچویا گووه نیلمز)"
بالتاجی آراز