۹ - ناسیۏنالیزم اؤلکه‌ده میللی حاق اؤلچۆسۆدۆر
ناسیۏنالیزم اؤلکه‌ده میللی حاق اؤلچۆسۆدۆر
گؤمۆلده‌جک ایران دا بو ایرانشهری سسی
میللی حاققېنا وارېب منیمسه‌ییب سئومه‌سی
میللت‌لشمک گلیشین ایراندا سَوییه‌سی
بو گۆن‌لرده «ایشچی‌لر «کۏمۏنیستی» پارتی‌سی»
أل- آیاغا دۆشۆبدۆر فارس مئییل‌لی جارچې‌سې
خالقېما یادېرغامېش ایرانشهری-نین سسی
فارسلارا قوللوق ائدیر راسیستی دۆشۆنجه‌سی
بوراخېبلار عېرقېچې فارسېن آنتی تۆرکلرین
میللی حاق دیرچلمه‌سی ایراندا میللت‌لرین
اۏرتایا دۏلایېدان آتېرلار فیکیرلرین
خالقېن راسیزمه قارشې دؤڲۆشۆن گۆجله‌نمه‌سی
هئچ دئمه‌ییر میللت‌ین یاشایان خریطه‌سی
اؤلکه ده آدلانېب‌دېر یالنېز فارسلارېن سَسی
بیز تورکلره عایيد‌دیر ایران آدلی اؤلکه‌سی
ثروتی میللتی‌مین یابانجې خالقېن سَسی
سؤمۆرگَه‌سَل دورومدا اولوسوموز بو آندا
دۏخسان ایل دیر یادلاشېر اوشاقلارېم تئهراندا
فارسا کؤله اۏلموشوق یاشایېرېق ایراندا
باغېمسېز اۏلماغېنا واردېر خالقېن هوَ سی
بو اؤلکه‌ده یاشایېر چۏخلو خالق آزېنلېغې
نه‌قدر واردېر بیزده ایران‌بایجآنچېلېغې؟
پۆفله‌ییرسن آردېندان ایسلام‌بآیجانچېلېغی
تۆکه‌نیب دیر وطنده آزربایجان سیمگه‌سی!؟
ناسیۏنالیزم اؤلکه‌ده میللی حاق اؤلچۆسۆدۆر
بو ایسته‌ڲه وطنده خالقېمېز یۏلچوسودور
حاقلارې ایبطال ائدَن راسیزمین سؤزجۆسۆدۆر
بو یۏلو تحمیل ائدَن هر کس-ین اؤز گؤره‌سی
یایېلمېش ایرانشهری فیکیرسل دۆشۆنجه‌سی
«دیل اۏجاغېن» اولوشما -گلیشمه سَوییه‌سی
راسیزمه قوللوق ائدیر فیکیرسل ایشله‌مه‌سی
فارس اۏلمایان اولوسا قاداغا[۱] وئریلمه‌سی
شۏوۏنیست‌لر تالایېر یوردوموزون ثروتین
مۏدئرنیزه ائدیرلر فارسلارا لۆت بؤلگه‌سین
باغېشلایېر اؤزگه‌یه آزربایجان اؤلکه‌سین
میللتیم ایشسیز قالېر هر گۆنده کیچیلمه‌سی
یۆزده یئتمیش بودجه تک فارس خالقینا خرج‌لَنیر
اۏتوز قالانې باشقا میللتلره چی‌لَنیر!؟
دؤردده- اۆچ فارس دیللی‌لر مکتبده بیلگی‌لَنیر
غئیری فارس دردی'له یۏخ بیزده ایلگیلَنمه‌سی!
۲۳ دۏندوران آیې (بهمن) ۱۳۹۲