۱۱ - گؤرسن بۉ ایران چؽلار کیملردیر؟
گؤره‌سَن بو ایرانچېلار کیملر دیر؟
گؤره‌سَن ایرانچې بَس نه ایسته‌ییر؟
میللی فعاللارې نییه پیسله‌ییر؟
میللی دیره‌نیش اؤز یۏلون ایزله‌ییر
اولوسومو وارلېغېنا یؤنَلدیر
ایران‌چېنې باتلاغېنا گؤمَلدیر
خالقېم وارلېغېنا ییه دوروب دور
ایرانچې‌نین اومودونو ووروبدو
ایرانیستان چیچکلری سۏلوبدور
ایرانچېلار حيرصلَنمه‌سین، نئیله‌سین؟
سۏیجولارا قوللوق ائتسین، ائتمه‌سین؟
بو گۆن میللی پارتییالار بیرلَشیر
حاق یۏلوندا سال قایالار بیرلَشیر
ائو قورماغا قاپې، دووار بیرلَشیر
خالقېمېن اولوسال حاققې تانېنېر
ایرانچې‌نېن مزارلارې سالېنېر
دئییرلر؛ ایرانچې بیزیم یانلې دېر!
یایدېغې دۆشۆجه پان ایرانچې دېر
تبریزلی دَڲیل اۏ، بیر یالانچې‌دېر
گؤرۆنۆر عېرقېچې فارسېن قۏلودور
گئتدیڲی یۏل ایسه دۆشمن یۏلودور!
یوردونا یابانجې تک باخېشې وار!
خالقېنا ایرانچې تک ناخېشې وار!
اۏلمایا فیکیرده فارس آخېشې وار؟
کؤله دیر اۏ، میللی یۏلو گئتمه‌ییر
وطن اۆچۆن هئچ‌ده قوللوق ائتمه‌ییر
عېرقېچې فارس اؤز ایچیندن چۆرۆیۆر
مانقورت‌لارې آرخاسېنجا سۆرۆیۆر
چامېر آتماق فیکیر'یله یۆرۆیۆر
ساتقېن، تۆرک سۏیلوسو، ساتېر کیملیڲین
مانقورت اۏلور دانېر اۆز وار منلیڲین
گؤره‌سَن کیملر دیر بو ایرانچېلار؟
نه‌لر ائتمه‌میش‌لر بو ساتقېن‌چې‌لار؟
فاشیزم مینیب بو آت‌لارې قامچې‌لار؟
قوزو دری‌سینده کیرلی قوردلارېن
چامېر آتماق اۏلوب ایشی بونلارېن
کیملر آدديم آتېب اؤزگور اۏلماغا؟
چالېشمېش‌لار میللی حاققېن آلماغا
ایرانچې چالېشېر زېرنا چالماغا؟
عار اۏلسون بئله بیر چامېر آتانا
اؤز یوردون-یوواسېن ساتېر آلانا
ساتقېن‌لار میللته تانېنمالې‌دېر
وطنین حاقلاری آلېنمالی‌دیر
دیره‌نیش گۆجله‌نیب بارېنمالی‌دير
اولوسال بیلینج له یۆکسه‌لر میللت
بونونلا قورولار میللی بیر دؤولت.
۳ قېزدېران آیې (ارديبئهئشت) ۱۳۹۲