۱۳ - اوتانماق بیزلره چوخ یاخشی شيدير
اوتانماق، بیزلره چۏخ یاخشې شئی دیر
بیرینجی بؤلۆم(۱):
پرئزیدئنت سئچگیده اۏوون توتدو
وئردیڲی قرارې حسن[۱] اونوتدو
اورمو گؤلۆن سویونودا قوروتدو
حاققېن ایسته‌یه‌نه «حاقدان» دانېشېر
گئجه-گۆندۆز حاق-ناحاقدان دانېشېر
«حاققا» یئتیشمه‌ڲه چکیرلر ظۆلۆم
حاققېن ایسته‌یه‌نه دئییرلر اؤلۆم
«الله» قانونی'لا وئریرلر حؤکۆم
تسلیم اۏلمایانلار چکیلیر بنده
اؤلدۆرۆب مئییدی وئرمه‌ییر کنده[۲]
ندن غئیری فارسا بس ظۆلم ائدیرلر؟
آغزې دۏلو حاقلارېندان دئییرلر!
میللی حاقلارېنې طلب ائدنلر
کافير اۏلوب بیر یاد آدې آلېرلار
کؤله اۏلسا وطنداشې سایېرلار
وطنین اوغروندا جانېن وئرنده
سنه «ایران» وطنداشې دئییرلر
خالقېن میللی حاققېن طلب ائدنده
آیېرېجې ایله یاغې گؤرۆرلر
اۆسته‌لیک«تۆرک خر»ده آدې وئریرلر
اؤزلرینی، داها اۆستۆن گؤرۆرلر
غئیری فارسې اؤزۆمله‌مه ائدیرلر
کیملیڲینی سیلیب «کؤله» دئییرلر
خالقېم ندن «کؤله‌لیڲی» سئویرلر؟
فارس راسیسزمین ایستڲی'له گئدیرلر!
ایکینجی بؤلۆم (۲):
میللت، بیلیکسیزلیکدن بو گۆن أزیلیر
یابانجې اویغاردا بیتیب أریییر
هۏوییتی ایتیب باشسېز یئریییر
خالقا اؤزۆمۆزۆ پاپاق سایمېشېق
بیلگی‌لندیرمکدن، اوزاق قالمېشېق
سۏسیال سانال دؤنیه‌ده چالېشقاېق
ایت-آت، پیشیک شکیل‌لرین یایانېق
اولوسا ترس باخېب اوزاق قالانېق
اؤزۆمۆزۆ وطن‌پرور سایمېشېق
سؤزده دییه میللت سئور قالمېشېق
اولوسچو آدېنا شؤهرت آلانېق
بوگۆن تۆرک خالقېنا یالان ساتانېق
اؤزۆنه میللتچی آدې قۏیانېق
خالقېن جیبهه‌سینده هارای سالېرېق
گله‌جَڲه حمید کارزایی یاپېرېق
بیز آزربایجانلې آیدېن آغایېق
خالقې‌نېن دردیندن اوزاق قاغاییق
بایکۏتچولار'لا هم آواز اۏلانېق
خالقېنې بیلیکسیز قۏیان دایاغېق
اۆممَتچی[۳] تربییه ائدن قۏچاغېق
مئدیا یؤنه‌تن، ژورنال آچانېق
خالق آدېنا چۏخ دئییب آز قاچانېق
وطنداشا یابانجې تک باخانېق
بئرلۏسکۏنی[۴] کیمی یئتَن سیموۏلوق
یازارلارې بۏیکوْت ائدن قۏچاغېق.
۲۵ قېزاران آیې (خرداد) ۱۳۹۳
[۱] باش باکان حسن روحانی تانيًنميًش یالانچی حسن کلید
[۲]یوزلرجه اینسان دوستاقلاردا ایشکنجه آلتيندا اوُلدورولور ومئییدلری آییله لرینه وئریلمه ییر.اوُرنک اوُلاراک : ستتار بئهیشتی کیمیلر، کرج بوُلگه سینده حاکیمیییه ته قاررشی گنج بیر ایشچی بیر یازيیا گوُره پوُلیس طرفیدن توتوقلانيب، یئددی گونون ایچینده ایشکنجه آلتيندا اوُلدورولدو، مئیییدی آئیله سینه وئریلمه دی.
[۳] موقللید[ایراده سیز، اوُزونه گووه نی(اعتیمادی)اوُلمایان، تسلیم اوُلان اینسان]
[۴] سیلویۏ بئرلۏسکونی ایتالییالی صاحیب‌کار، سیاستچی هابئله آوروپا پارلامئنتی‌نین اۆیسی. ایتالییانین کئچمیش باش ناظیری.(کاراکتئر ایله شخسییه‌دن صؤحبت گئدیر)