۱۴- تورک خالقی نه زامان اوُیاناجاقدير؟
تۆرک خالقې؛ نه زامان اۏیاناجاقدېر؟
ندن تۆرکه باشچېسې اۆز چئویریر؟
خالق اۏنلارې زیروه‌لره یئتیریر
یالان وعده بۆتون خالقا وئريلير؟
تۆرک خالقېنې باشقالارې سوچلادېر!
خالقېمېزې اؤز وایېنا آغلادېر!
ندن ایچیمیزدن ساتقېنلا چېخېر؟
اؤز ألی'له اؤزۆن[۱]کؤکۆندن یېخېر!
خۏجالې قیرغېنی اۆرک'لر سېخېر
ائرمنی یالانې[۲]دۆرتۆلۆر گؤزه!
جیلولوق[۳]فاجیعه چکیلمیر اۆزه!؟
آزربایجان پارام-پارچا اۏلوبدور
گۆنئیينه فارسلار یییه دوروبدور
تۆرک دونیاسې بو ایشه گؤز یوموبدور
تۆرکلرین بیرلیڲی دۆشمَنی بۏغور
تۆرکه یاغې‌چېلېق أطرافلې دۏغور!
عیراقدا، تۆرکمانلار نَدن بۏغولور؟
وطنی کرکوکدان بوڲۆن قۏوولور
آرخاسېندا دوران یۏخدۆر اۏوولور
اؤز یوردوندان نیه چؤله آتېلېر
تۆرک بیرلیڲی قارا پولا ساتېلېر
تۆرک خالقې نه زامان اۏیاناجاقدېر؟
وارېنى یاغېدان قۏرویاجاق‌دېر؟
اؤزلرین قۏرویوب ساووناجاق‌دېر؟
یوردو پارام-پارچا گؤزدن آتیلېر!
روس، ائرمنی فارسا مۆفته ساتیلیر؟!
۱۱ قېزاران آیې (خرداد) ۱۳۹۳
[۱] تورک خالقينی.
[۲] ۱۳۸۸- جی ایل ائرمنیستانلا آنناشما اولایلاری کی میللتین باسقيسی سببینه حایاتا کئچیریلمدی.
[۳] جیلولوق فاجیعه‌سی؛ 1918-جی ایلین مارس آییندا، مین‌لرجه آذربایجان تورکلری، اوزه ل لیک‌له اورمو، خوی و سالماس شهرلرینده یاشایان‌لارین ائرمنی‌لر و جیلولار (آسوری‌لار) طرفیندن سوی‌قیریما معروض قالدیق‌لاری حادیثه.