2 - Baltacı Araz şairin xatirəsinə
Baltacı Araz şairin xatirəsinə
Azərbaycan sevgisiylə böy başa çatdın sən
Xalqını sevə sevə, özgə dilin atdın sən
Böyük böyük amaclar ürəyində tutdun sən
Vətənin əsarətdən azad olmaq amacın
Fars rasizmin Vətəndən kökün yolmaq amacın…
Oxulda özgə dilin yüklədilər belinə
Dedilər bundan belə düşmən ol öz elinə
Vətən oğlu, qeyrəti burda gərək bilinə…
Sən dözmədin bu zülmə, şovonizmi danladın
Vətəni qurtarmağa, milli yolu başladın
Ana dili gücilə, çatdı elmin zirvəyə
Sınmayıb baş əymədin, pula, zora, kötəyə
Toplumdan nədənləri, söküb tökdün ətəyə
Fars dilini öyrəndin farsca düşünmədin sən
Şovonizmin zülmünə, susub üşünmədin sən
Oxutdular fars sevən amaca yol olasan
Fars rasizmin planın çizməyə qul olasan
Asimilə uğrunda, nədənsiz… rol olasan
Sən azadlıq nəğməsin ritmə çəkən tar oldun
Yurdunu tikmək üçün bir gözəl memar oldun
Əlli səkkiz yaşında, bitdi şərəflə ömürün
Sən getdin…, əsərlərin parıldayır sankı gün
İndi əl yazıların açır xalqımdan düyün
Milli qurtuluş xalqın istədiyi hədəfdir
Vətənin azadlığı, hürriyyəti şərəfdir
Babəkə bənzər igid, Vətən səni haraylar
Bu tay Baltacı səslər, Araz deyər o taylar[1]
Bitiklərin, əl bə əl xalqın içində yayılar
Sənin geniş düşüncən özgürlüyə yönəldər
Yayılsa bu düşüncə, gəlişməyi dirçəldər
Bütöv Ayerbaycana gedən yolu başladın
Xalqımıza özgürlüyün diləyini aşladın
Yazınla, anlayışın şəkilini naqqışladın
Dedin: "o tayla bu tay, ayrılmayan bir candır
Ləqəbi odlar yurdu, adı Azərbaycandır"
Qarabağın işğalını gətirdin sən gündəmə
Bir milyon insan yanır bu həsrətə bu qəmə
İnsafdımı hakimlər baş əyələr[2]bu zülmə[3]
Yazıların oxunub anlanacaq himlərin
Tərbiz ilə Qarabağı qurtaracaq Kimlərin?
Uyqarlaşın ey ustad, gördü ışıq üzünü
Günəş oldu bu xalqa, ağartdı gündüzünü
Haq nə dir? Haqlı kimdir? Sən tanitdın düzünü
İnsanları çağırdın çağdaş aydın olmağa
Öz haqların tanıyıb, zülmün kökün yolmağa
Getdin…, qoçaq igidlər davam verər yolunu
Türkçülüyün tanitdın, sən sağını solunu
Göstərdin…, el bağına ziyan vuran dolunu
Birdə doğar analar Vətən oğlu nacısın?
Millətimiz çağırır öz oğlu Baltacısın
Oxulunu bitirdin Vətənə çalışasan
Elin qəm- kədərilə ömürlük alışasan
Yazıb yaratmaqınla[4] dedin Vətən yaşa sən
Yadigar quyub getdin, qaldı səndən bir əsər
Oxuyub tanıtmasaq, xalqımız edər zərər.
27.01.2014
[1] Arazın susmayan səsi... Bakı, 28 İyun 2013
[2] Göz yuma....
[3] İşğala.
[4] Şairin yaradıcılıq əsərləri:otay-butay-vetendir.com
1 - Otay Butay Vətəndir,
2 - Uyqarlaş,
3 - Azərbaycan abəstəne isteqlal əst(Fars dilində).